कांग्रेसका ७४ जना नेता पार्टिबाट निष्कासित
कार्तिक २३
काठमाडौं ।
नेपाली कांग्रेसले निर्वाचनमा पार्टीलाई असहयोग गर्ने ७४ जना नेतालाई पार्टिबाट निष्काशन गरेको छ ।
पार्टीको केन्द्रीय अनुशासन समितिले मंसिर ४ गते हुने प्रतिनिधिसभा र प्रदेशसभा निर्वाचनमा पार्टीका र पार्टीले सहयोग गरेका आधिकारिक उम्मेदवारविरुद्ध उम्मेदवारी दिएका र आधिकारिक बिरुद्धका उम्मेदवारको प्रस्तावक वा समर्थक भएकाहरुलाई कांग्रेसको विधान अनुसार निष्कासन गरेको हो ।
अनुशासन समितिका अनुसार उनीहरुलाई सदस्य समेत नरहने गरी पार्टीको अभिलेखबाट हटाउन पार्टीका विभिन्न समितिलाई निर्देशन दिइएको छ । अन्य पार्टीमा गई उम्मेदवार भएकाहरुको नामावलीहरु समेत अभिलेखबाट हटाइने समितिले बताएको छ ।
