अर्वेनीमा विहान ७ बजे बाट मतदान जारी
मंसिर ६
कालीगण्डकी
गुल्मीको क्षेत्र नम्बर १ को कालीगण्डकी गाउँपालिका–२ अर्वेनीमा मतदान भईरहेको छ । स्थगित भएको मतदान आज विहानबाट पुनःसुरु भएको हो । मंसिर ४ गते आइतबार भएको निर्वाचनमा प्रतिनिधि सभाको प्रत्यक्ष तर्फको मतपत्रमा मतदान गर्नु पर्नेमा प्रदेशसभाको प्रत्यक्ष तर्फ मतपत्रमा मतदान भएसँगै मतदान स्थगित थियो ।
यस मतदान केन्द्रमा रहेका १ हजार ३ सय ६९ जना मतदाता मध्ये ६ सय ६४ जनाले मतदान गरेका थिए ।
प्रतिनिधि सभा सदस्यका लागि नेपाली काँग्रेसका नेता चन्द्र भण्डारी र नेकपा एमालेका उप महासचिव प्रदीप ज्ञवाली उम्मेदवार छन् । यस्तै प्रदेश सभाको लागि गठबन्धन बाट नेकपा माओबादीका सुदर्शन बलाल र एमालेका चिन्तामणी पाण्डेय उम्मेदवार छन्
