पुस्तान्तरणमा समन्वय गर्न सके लैंगिक हिंसा न्युनिकरण हुन्छ : उपाध्यक्ष निरमाया तरामु

राजनैतिक हिंसा कायमै

पुस्तान्तरणमा समन्वय गर्न सके लैंगिक हिंसा न्युनिकरण हुन्छ : उपाध्यक्ष निरमाया तरामु

मंसिर १६
सत्यवती गाउँपालिका

सत्यवती गाउँपालिका उपाध्यक्ष निरमाया तरामुले जेष्ठ नागरिक तथा अघिल्लो पुस्ताका सिप ज्ञान परमपरागत राम्रा मान मर्यादालाई समय अनुसार नयाँ पुस्तामा ल्याउनसके लैंगिक हिंसा न्युनिकरण हुने बताउनु भएको छ ।

सानालाई माया अग्रजलाई सम्मान र आपसमा समजदारी कायम गर्दै सहअस्तित्व बाट सभ्य समाज निर्माण निर्माण गर्दै लैंगिक हिंसा बिरूद्ध एकहुन अहन गर्नु भयो ।

गाउँपालिकाले लैंगिक हिंसा बिरूद्धको १६ दिने अभियानका क्रममा आज आयोजना गरेको, प्रभात फेरी तथा सचेतना कार्यक्रम बोल्दै उहाले यस्तो बताउनु भएको हो ।

राजनैतिक रुपमा पनि कानुन पालनाका लागि मात्र अवसर दिने परमपराले, महिला लगायत अन्य उपेक्षित समुह निर्णाकय पदमा पुग्न नसकेर राजनैतिक हिंसा कायमै रहेको उल्यख गर्दै, हालै सम्पन्न निर्वाचनमा नेतृत्वमा महिला तथा अन्य समुदायको उपस्थितीमा कमि देखिनु अबिस्वास र हिंसाको अंश भएको बताउनु भयो ।

कार्यक्रमका प्रमुख अतिथी वडा नं. ६ का अध्यक्ष बिष्णु प्रसाद भण्डारीले फराकिलो सोच र चेतना बढाएर मात्र सबै प्रकारका हिंसा अन्त्य गर्न सकिने बताउनु भयो ।

कार्यक्रममा महिला तथा बालबालिका शाखाका सुबास आचार्य ले सन्दर्भ सामाग्री तथा सचेतना सन्देश प्रस्तुत गर्नु भएको थियो ।

रुद्रगंगा इङ्लिस बोर्डिङ्ग स्कुलका प्रिन्सीपल प्रेमनारायण पाण्डेयले हिंसा कम गर्न सबैले आ-आफ्नो ठाउबाट इमानदारिका साथ अगाडी बढ्नु पर्ने बताउनु भयो ।

कार्यक्रममा सब्द बाट हिमलाल भण्डारी र गीत बाट सरिता खरेल र टिका खरेलले स्वागत गनुस् भएको थियो ।

समारोहमा शिक्षा शाखाका प्रमुख बिष्णु प्रसाद ज्ञवालीले सहजीकरण गर्नु भएको थियो ।

प्रभात फेरी तथा सचेतना कार्यक्रम रुद्रगंगा इङ्लिस बोर्डिङ्ग स्कुलका बिद्ध्यार्थीहरुको सहभागिता रहेको थियो । बिद्ध्यार्थीहरुको तर्फ बाट कक्षा १० की भावना भण्डारीले आफ्ना भनाई राख्नु भएको थियो ।

नोभेम्बर २५ देखि डिसेम्बर १० सम्मको अभियान निरन्तर विभिन्न स्वरूपमा अगाडि बढाईने बताईएको छ ।