नेकपा एकीकृत समाजवादीले संसदीय दलको नेता चयन गर्दै
पुष ४
नेकपा एकीकृत समाजवादीको संसदीय दलको नेता चयन प्रक्रिया अघि बढाइएको छ । संसदीय दलको नेता चयन गर्न आज दिउँसो १ः३० बजे काठमाडौंमा पार्टीबाट निर्वाचित प्रतिनिधिसभा सदस्यहरूलाई बोलाइएको छ ।
प्रतिनिधिसभामा १० सिट जितेको एकीकृत समाजावादीबाट अध्यक्ष माधवकुमार नेपाल संसदीय दलको नेता निर्वाचित हुने निश्चित नै छ ।
आजै बिहान ११ बजे प्रतिनिधिसभा तथा प्रदेशसभामा नवनिर्वाचित एकीकृत समाजवादीका सांसदहरूलाई पार्टी केन्द्रीय कार्यालयमा बधाई तथा शुभकामना दिने कार्यक्रम पनि तय गरिएको छ ।
एकीकृत समाजवादीले प्रतिनिधिसभामा प्रत्यक्षतर्फबाट १० सिट जितेको छ ।
