भोली एमाले सांसदको भेला,संसदीय भूमिकाबारे प्रशिक्षित गरिने
पुष ४
नेकपा एमालेले नवनिर्वाचित सांसदको भेला बोलाएको छ । प्रतिनिधि सभा तथा प्रदेश सभामा निर्वाचित सदस्यहरुलाई नेकपा एमालेले भेलामा बोलाएको हो ।
भेला कमलादीस्थित नेपाल प्रज्ञा प्रतिष्ठानमा भोली मंगलबार हुने भनिएको छ ।
नेकपा एमालेले संसदीय भूमिकाबारे प्रशिक्षित गर्न भेला राखेको हो । भेलामा नेकपा एमाले अध्यक्ष केपी शर्मा ओलीलगायतले सम्बोधन गर्ने कार्यक्रम रहेको छ ।
एमालेले प्रतिनिधिसभामा प्रत्यक्षमा ४४ र समानुपातिकमा ३४ सिट गरि ७८ सिट जितेको छ । प्रदेशमा एमालेका ९१ जनाले प्रत्यक्षमा र समानुपातिकमा ७० जनाले जित निकालेका छन् ।
