कालिदास आत्रेय
श्रमको सम्मान राष्ट्रको अभियान भन्ने मुल नाराका साथ गुल्मीको छत्रकोट गाउँपालिका वडा न ६ दौघामा प्रधानमन्त्री रोजगार सम्बन्धि एक दिने अभिमुखीकरण कार्यक्रम सम्पन्न भएको छ ।प्रधानमन्त्री रोजगार कार्यक्रममा सम्लग्न हुने व्यक्तिहरुलाई लक्षित गरि वडा कार्यालय कार्यक्रम सम्पन्न भएको हो। सो अवसरमा रोजगारमा कस्ता व्यक्तिहरु सम्लग्न हुने र के के कामहरु गर्नुपर्ने भन्ने बारेमा जानकारि गराइएको थियोे । कार्यक्रमको सहजीकरण छत्रकोट गाउँपालिकाका रोजगार संयोजक शोभा स्रेस्ठले गर्नु भएको थियोे ।
छत्रकोट ६ का वडा अध्यक्ष नारायण रेस्मीको अध्यक्षतामा सम्पन्न कार्यक्रममा वडा सदस्यहरु धर्मराज ढकाल सन्तोष र सङ्गिता नेपाली को आतिथ्यता रहेको थियोे । छत्रकोट गाउँपालिकाका प्राबिधिक मनोज पाण्डे को स्वागत मन्तव्य रहेको कार्यक्रममा सहभागी को तर्फबाट मिना ज्ञवाली र वडा सदस्य धर्मराज ढकाल ले मन्तव्य राख्नु भएको थियो । कार्यक्रमको सन्चालन कार्यालय सहायक माधव थापाले गर्नु भएको थियोे ।
