छत्रकोट ४ श्रृङ्गा
नेपाली काङ्ग्रेस गुल्मीका पूर्व सचिव लोकनाथ कँडेलको ७० वर्षको उमेरमा निधन भएको छ ।विगत केही समयदेखि क्यान्सर रोगवाट पिडित कँडेलको मङ्गलवार साँझ ७ बजे आफ्नै निवास छत्रकोट ४ श्रृङ्गामा निधन भएको हो । प्रजातन्त्र प्राप्तिका लागि पटक पटक जेल र निर्वाशित जीवन भोग्नुभएका कँडेलले नेपाली काङ्ग्रेस गुल्मीको सचिवको समेत जिम्मेवारी सम्हालनुभएको थियो ।उहाँको अन्तिम श्रध्दाञ्जलिका लागि रुरु घाटमा नेपाली काङ्ग्रेस गुल्मीका सभापति तथा रे न पा का मेयर खिलध्वज पन्थी , उपसभापति अनन्तराम पौडेल , नेपाल शिक्षक संघ लुम्बिनी प्रदेश सभापति प्रेमनारायण भन्डारी , जिल्ला पार्टी सह सचिव छवि पान्डे , नेपाली काङ्ग्ग्रेस गुल्मी प्रदेश खका उपसभापति भेषराज कँडेल , माओवादी केन्द्र गुल्मी प्रदेश ख का सचिव रामचन्द्र कँडेल , एमाले लुम्बनी प्रदेश सदस्य होमनाथ कँडेल , नेपाली काङ्ग्रेश छत्रकोट ३ का सभापति बाबुराम पन्थ ,४ का सभापति जीतबहादुर पौडेल , एमाले छत्रकोट ४ का अध्यक्ष देवी पान्डे लगायतको उपस्थिति रहेको थियो । उहाँको पार्थिव शरीरमा पार्टीको तर्फबाट सभापति पन्थी र उपसभापति पौडेलले पार्टीको झण्डा ओडाएर सम्मान गर्नुभएको थियो ।उहाँका श्रिमती १ छोरा र १ छोरी हुनुहुन्छ ।
