गुल्मी ।
गुल्मीमा ५ वटा क्याम्पसमा स्ववियु सभापति सहित सबै पद निर्विरोध भएको छ । जिल्लाको जनज्योती क्याम्पस पुर्कोटदहमा सभापतिमा अखिल क्रान्तिकारीका जीवन पौडेल, उपसभापतिमा अनेरास्ववियुका वविता दर्जी, सचिवमा नेविसंघका रमेश विक, कोषाध्यक्षमा अनेरास्ववियुका वसन्ता कुँवर, सहसचिवमा अनेरास्ववियुका अनिल थापा निर्विरोध निर्वाचित भएका छन् । सदस्यमा सिर्जना नेपाली, कविता पोखरेल, पुष्ण घर्ती मगर, विष्णु कुँवर, अस्मिता कुँवर र मनिषा परीयार निर्विरोध निर्वाचित भएको अखिल क्रान्तिकारी गुल्मी जिल्ला अध्यक्ष राजन पोखरेलले जानकारी दिनुभयो । मानका टिकाराम बहुमुखी क्याम्पस मजुवा, चन्द्रकोट बहुमुखी क्याम्पस शान्तिपुर, सत्यवती बहुमुखी क्याम्पस सत्यवती र रिडी बहुमुखी क्याम्पस रिडीमा स्ववियु सभापति सबै पदमा निर्विरोध भएको हो ।
यी क्यामपसहरुमा अनेरास्ववियु, नेविसंघ र अनेरास्ववियु क्रान्तिकारीबाट मिलेर एउटै प्यानल बनाएर उम्मेदवारी दिएर निर्विरोध निर्वाचित भएका हुन् । मानका टिकाराम बहुमुखी क्याम्पसको स्ववियु सभापतिमा अनेरास्ववियुबाट आकाश खरेल, उपसभापतिमा अनेरास्ववियु क्रान्तिकारी बाट दिपा भण्डारी, सचिवमा नेविसंघबाट वर्षा अर्याल क्षेत्रीले निर्विरोध निर्वाचित भएको क्याम्पसका स्ववियु निर्वाचन संयोजक यज्ञमुर्ती भण्डारी बताए ।
त्यस्तै सहसचिवमा अनेरास्ववियुबाट मुना गौतम, कोषाध्यक्षमा अनेरास्ववियु क्रान्तीकारी बाट बिष्णु राना कुमाल निर्वाचित भएका छन् । बाँकी सदस्य पदमा पनि दुई/दुईवटा सदस्यका दरले तीन संगठनले बाँडेका छन् ।
त्यस्तै जिल्लाको चन्द्रकोट बहुमुखी क्याम्पसमा पनि तीनवटा संगठन मिलेर एउटै प्यानल बनाएर उम्मेदवारी दिएपछि निर्विरोध निर्वाचित भएका हुन् । क्याम्पसको स्ववियु सभापातिमा अनेरास्ववियु, अनेरास्ववियु क्रान्तीकारीबाट प्रभा गौतम, उपसभापतिमा नेविसंघबाट श्रीराम गौतम, सचिवमा अनेरास्ववियुबाट ज्योति बिक, सहसचिवमा नेविसंघबाट रिता गौतम, कोषाध्यक्षमा अनेरास्ववियुबाट दीक्षा पौलेल निर्विरोध निर्वाचित भएको चन्द्रकोट बहुमुखी क्याम्पस प्रमुख इन्द्रबहादुर थापाले बताए ।बाँकी सदस्य पदमा पनि दुई/ दुईवटा सदस्यका दरले तीन संगठनले बाँडेका छन् ।
त्यस्तै सत्यवति बहुमुखी क्याम्पसमा पनि तीन संगठनले मिलेर उममेदवारी दिएपछि निर्विरोध निर्वाचित भएका छन् । जसअनुसार स्ववियु सभापतिमा अनेरास्ववियुबाट अस्मिता भण्डारी, उपसभिापतिमा नेविसंघबाट जमुना ज्ञवाली, सचिवमा नेविसंघबाट ज्योति ढकाल निर्विरोध निर्वाचित भएका छन् । त्यस्तै सहसचिवमा लिला भण्डारी र कोषाध्यक्षमा अनेरास्ववियु क्रान्तिकारीबाट सृजना ढकाल निर्विरोध निर्वाचित भएको क्याम्पसले जनाएको छ ।
सदस्य ३ वटा अनेरास्ववियु र २ वटा नेविसंघलाई दिने सहमति गरेर उम्मेदवारी दिएका छन् । जिल्लाको रिडी बहुमुखी क्याम्पसमा पनि निर्विरोध निर्वाचित भएका छन् ।
जसअनुसार स्ववियु सभापतिमा गंगा कुँवर सहित सबै पदमा अनेरास्ववियुबाट मात्रै उम्मेदवारी परेकाले निर्विरोध निर्वाचित भएका हुन् । स्ववियु निर्वाचनमा उपसभापति र सहसचिव सहित तीनवटा सदस्य पद समानुपातिक हुनेछन् ।
