सामुदायिक वन उपभोक्ता महासंघ नेपाल, गुल्मीको अधिवेशन सम्पन्न,विष्णु पौड्यालको अध्यक्षतामा १८ सदस्ययीय कार्यसमितिको चयन
थमन रास्कोटी
बैशाख ११
गुल्मी
सामुदायिक वन उपभोक्ता महासंघ नेपाल, जिल्ला महासंघ गुल्मीको छैठौ जिल्ला अधिवेशन सम्पन्न भएको छ । आइतबार सदरमुकाम तम्घासमा सम्पन्न अधिवेशनले विष्णु पौड्यालको अध्यक्षतामा १८ सदस्ययीय कार्यसमितिको चयन गरेको छ । जसको उपाध्यक्षमा बिमला केसी, सचिवमा देवी कुँवर, कोषाध्यक्षमा बसुन्धरा भण्डारी लगायत अन्य सदस्यहरु रहनुभएको छ । कार्यक्रममा महासंघका केन्द्रीय सचिव ठकुर भण्डारीको प्रमुख आतिथ्यता एवम् लुम्बिनी प्रदेश सचिव राममल्ल ठकुरीको विशेष आतिथ्यता रहेको थियो । कार्यक्रम अध्यक्ष पौड्यालको अध्यक्षता, सदस्य विष्णु विश्वकर्माको स्वागत मन्तव्य एवम् सचिव कुँवरको संचालनमा सम्पन्न भएको थियो । कार्यक्रममा विभिन्न संघ संस्थाका प्रमुख एवम् प्रतिनिधि, राजनीतिक दलका प्रमुख एवम् प्रतिनिधि, पत्रकार लगायतको उपस्थिति रहेको थियो ।