बुटवल योगिकुटीमास्कार्पियो दुर्घटना अर्घाखाँची एकजनाको मृत्यु ।
जेठ २८
बुटवल ।
सिद्धार्थ राजमार्गको बुटवल भैरहवा सडक खण्ड अन्र्तगत तिलोत्तमाको योगिकुटी शान्तिकुञ्जमा शनिबार राती सडक दुर्घटना हुँदा एक जनाको मृत्यु भएको छ ।
भैरहवाबाट बुटवलतर्फ आउँदै गरेको बा २० च १४३८ नम्बरको स्कारपियो सिद्धार्थ राजमार्ग अन्तर्गत तिलोत्तमा नगरपालिका वडा न ३ योगिकुटीको शान्तीकुञ्ज चोकस्थित विद्युतको पोलमा ठोक्किएर दुर्घटनामा परेको प्रहरीले जनाएको छ ।
दुर्घटनामा परि गाडी चालक अर्घाखाँची छत्रदेब गाउँपालिका वडा नम्बर ८ का ३२ वर्षीय विकास श्रेष्ठको मृत्यु भएको प्रहरीले बताएको छ । प्रहरीका अनुसार दुर्घटनामा परि गम्भीर घाइते भएका श्रेष्ठको उपचारको क्रममा बुटवलको चौराह अस्पतालमा मृत्यु भएको हो ।
दुर्घटनामा परी वर्ष ३१ का विज्ञान श्रेष्ठ, वर्ष ४९ का सुरेन्द्र श्रेष्ठ, वर्ष १८ का विप्लव श्रेष्ठ, वर्ष १७ का सुदर्शन श्रेष्ठ र वर्ष ३५ का विशाल पन्थी घाइते भएका छन् । उनीहरु पाँचै जनाको बुटवलको चौराहा अस्पतालमा उपचार भइरहेको प्रहरीले बताएको छ । घटना बारे थप अनुसन्धान जारी रहेको प्रहरीले जनाएको छ ।
