नेपाल एयरलाइन्सले आज देखि मलेसियाबाट भैरहवा विमानस्थलमा नियमित उडान सुरू गर्दै
जेठ ३०
नेपाल एयरलाइन्सको एयरबसले पहिलो पटक मलेसियाको क्वालालम्पुरबाट भैरहवा विमानस्थलका लागि मंगलबारबाट नियमित उडान सुरू गर्दैछ।
आज बाट राष्ट्रिय ध्वजावाहक नेपाल एयरलाइन्सको एयरबसले कोललाम्पुरबाट उडेर भैरहवा विमानस्थलमा अवतरण हुने संस्कृति पर्यटन तथा नागरिक उड्डयनमन्त्री सुदन किरातीले जानकारी दिएका हुन्।
मन्त्री किरातीले सामाजिक सञ्जालमार्फत् आज आउने जहाजलाई स्वागत गर्न मन्त्री किराती आफैं विमानस्थल पुग्ने पनि जानकारी दिएका छन्।
हिज काठमाडौँबाट मलेसियाका लागि उडान भरेको उक्त एयरबस आज बिहान भैरहवा विमानस्थलमा पहिलोपटक अवतरण गर्नेछ। त्यसपछि उक्त एयरबस काठमाडौँ जानेछ ।
परीक्षण तथा अन्य उडान गरेको भए पनि नेपाल एयरलाइन्सले क्वालालम्पुर – भैरहवा नियमित उडान आज मंगलबारबाट हुन लागेको हो।
