यस्तो बन्दै छ छत्रकोट गाउँपालिका गुल्मीको प्रशासकीय भवन ।
मंसिर १०
छत्रकोट गाउँपालिका गुल्मीको प्रशासकीय भवन निर्माणको लागि ठेक्का सम्झौता भएको छ । शुक्रबार निर्माण कम्पनी अम्बे मां बलदेब बिल्डर्स जे.भी सामाखुसी काठमाडौ संग सम्झौता गरिएको हो ।
कुल लागत १२ करोड ५ लाख २५ हजार ४ सय ९८ मध्ये ठेक्का सम्झौता ९ करोड ११ लाख २ हजार ९ सय मा ठेक्का सम्झौता भएको गाउँपालिकाका प्रमुख प्रशासकिय अधिकृत वीरबहादुर पुनले जानकारी दिनुभयो ।
गाउपालिकाको चालु आर्थिक बर्ष २०८०/८१ को पुजिगत तर्फ २ करोड रुपैया प्रशासकीय भवन निर्माणको लागि विनियोजन गरिएको छ । गाउँपालिकाको भवन छत्रकोट चोयगामा निर्माण हुने गाउँपालिका अध्यक्ष राम प्रसाद पाण्डेले जानकारी दिनुभयो । दुई बर्षमा निर्माण सम्पन्न गर्ने गरि ठेक्का सम्झौता भएको पाण्डेले बताउनुभयो। तोकिएकै समयमा निमार्ण कार्य सकिने र आगामी हप्तादेखी काम सुरु गर्ने निर्माण कम्पनिले जनाएको छ ।
भवन निर्माण स्थलको रुख हटाई जग्गाको तयारी गरिएको छ । भवन निकैनै चर्चामा रहेको भेडुवा बजारमाथीको हरियाली सामुदायिक बनले पालिकालाई उपलब्ध गराएको जग्गामा बन्ने छ । जग्गा प्राप्तीको लागि पालिकाले बिभिन्न प्रक्रिया पुरा गदै सामुदायिक बन बाट प्राप्त गरेको हो,यसको लागि स्थानिय समाजसेबी झक बहादुर मिधुनले ६ रोपनी निजी जग्गा बनलाई सट्टामा उपलब्ध गराउनु भएको थियो । छत्रकोट गाउँपालिकाले जग्गादाता मिधुनप्रती आभार प्रकट गर्दै धन्यबाद ज्ञापन गरेको अध्यक्ष पाण्डेयले बताउनु भयो ।
