छत्रकोट गाउँपालिको दौघामा एकीकृत घुम्ती शिविर सम्पन्न ।
कालिदास आत्रेय
मंसिर २०
गुल्मीको छत्रकोट गाउँपालिका वडा न ६ दौघामा एकीकृत घुम्ती शिविर हिजो सम्पन्न भएको छ। छत्रकोट गाउँपालिकाको आयोजनामा वडा न ६ को वडा कार्यालयमा सम्पन्न शिविरमा ९ वटा टोल विकास सस्था दर्ता भएका छन। साथै २ जनालाई अपांग परिचय पत्र वितरण र ८ जनाको नविकरण गरिएको छ। त्यसैगरी १२ जना जेष्ठ नागरिक लाई जेष्ठ नागरिक परिचयपत्र वितरण गरिएको छ । सो अबसरमा वडा भित्र सन्चालन हुने ११ वटा योजनाहरुको सम्झौता गर्ने कार्य सम्पन्न भएको छ। छत्रकोट गाउँपालिका उपाध्यक्ष साबित्रा ज्ञवालीको नेतृत्वमा आएको घुम्टी सिविर टोलि मा योजना अधिकृत हरि टण्डन, ईन्जिनियर पुष्कर खनाल , डा विवेक बिराट खनाल , आन्तरिक लेखा परिक्षक खुमानन्द पौडेल ,वडा सचिब कमल लम्साल , प्राबिधिक कपिल घिमिरे , मनोज पाण्डे, महिला तथा वालबिकास शाखा प्रमुख सीता थापा बुढाथोकी , उद्द्म विकास सहजकर्ता यमुना अधिकारी लगायतका कर्मचारी हरुले सेवाग्राही लाई सेवा प्रबाह गर्नुभएको थियोे । छत्रकोट ६ का वडा अध्यक्ष नारायण रेस्मी, कार्यपालिका सदस्य कमला ज्ञवाली वडा सदस्यहरु सङ्गिता नेपाली , मिलन पछाई,धर्मराज ढकाल लगायतका जनप्रतिनिधि हरुको सो अबसरमा सहभागीता रहेको थियोे । आफ्नो वडाका विभिन्न योजनाहरु गाउँपालिका गएर सझौता गर्नुपर्नेमा वडामै सम्झौता गर्न पाउँदा उपभोक्ता समितिका पदाधिकारीहरु हर्षित बनेका छन।
