रुकुमपूर्वमा फलाम खानी उत्खननका लागि अध्ययन सुरु ।
मंसिर २४
रुकुमपूर्व जिल्लाको भुमे गाउँपालिकामा फलाम खानी पत्ता लागेपछि भूगर्भविद्ले बिहीबारबाट उत्खननका लागि विस्तृत अध्ययन सुरु गरेका छन् । खानी तथा भूगर्भ विभागका भूगर्भविद्को टिमले भुमे गाउँपालिका–३, झुम्लाबाङमा पत्ता लागेको फलाम खानीको अध्ययन सुरु गरेको हो ।
भुमे गाउँपालिकाका विभिन्न वडामा यसअघि पत्ता लागेको फलाम खानीको विस्तृत अध्ययन सुरु गरिएको भुमे गाउँपालिकाका अध्यक्ष होमप्रकाश श्रेष्ठले जानकारी दिनुभयो ।
हाल फलाम खानी पत्ता लागेको ठाउँमा एक सय वर्षअघिसम्म तामा खानी उत्खनन गरिएको स्थानीयको भनाइ छ ।
ती ठाउँमा गत वर्ष फलाम रहेरनरहेको अनुसन्धान गर्दा फलाम खानी रहेको पत्ता लागेपछि अहिले उत्खननका लागि विस्तृत अध्ययन सुरु गरिएको बताईएको छ ।