बागलुङ,
असार २२ –
मध्यपहाडी लोकमार्ग भासियो भासिएको छ ।
मध्यपहाडी लोकमार्गको बागलुङ–बुर्तिवाङ सडकखण्ड अन्तर्गत ढोरपाटन नगरपालिका र बडिगाड गाउँपालिकाको सिमानामा बनेको कृत्रिम ताल आसपासमा सडक भासिएको हो ।
वर्षासँगै तालमा पानीको मात्रा बढेपछि मध्यपहाडी लोकमार्ग लगातार कटान भइरहेको छ । कतिपय स्थानमा सडक भासिन थालेको छ ।
गत वर्ष भदौमा पहिरो खस्दा बडिगाडखोला थुनिएर तीन सय मिटर क्षेत्रमा ताल बनेको थियो ।
कृत्रिम ताल फुट्न सक्ने खतरा रहको स्थानीयवासीले बताएका छन । पहिरोका कारण मध्यपहाडी लोकमार्ग समेत अवरुद्ध हुन थालेको स्थानीयवासीले बताएका छन ।
सो क्षेत्रमा पहिरो खसे ढोरपाटन नगरपालिकाको भाग डुबानमा पर्ने तथा ताल फुटे बडिगाड लगायत गुल्मीका तटीय क्षेत्रमा क्षति पुग्ने देखिएको भीमगिठे प्रहरी चौकीका प्रहरी नायब उपरीक्षक ऋनबहादुर वैदारले जानकारी दिनुभयो ।
