अनिल खत्री
१३ पुस, गुल्मी – गुल्मीमा २ वटा वडामा निजि आवास पुनर्निर्माणको काम सम्पन्न भएको छ ।
जिल्लाको मालिका गाउँपालिका वडा नम्बर ३ र ४ मा निजि आवास तर्फको पुर्निर्माण कार्य सम्पन्न गरेर घोषणा गरिएको हो । २ वटा वडा भित्र निजि आवास तर्फ निर्माण गर्नु पर्ने काम सम्पन्न गरेर एक कार्यक्रम गरेर पुर्निर्माण कार्य सम्पन्न घोषणा गरिएको थियो । माालिका गाउँपालिका भित्र जम्म ७३ जना लाभग्राही रहेका छन् । जसमध्ये पुनर्निर्माण सम्पन्न भएका वडाहरुमा वडा नम्बर ३ मा ३ जना र वडा नम्बर ४ मा १३ जना लाभग्रही रहेका थिए । लाभग्रहीले निजि आवास तर्फको पुनर्निर्माण गर्नुपर्ने काम पुरा गरेपछि घोषणा गरिएको जिल्ला आयोजना कार्यन्वयन इकाई अनुदान ब्यवस्थापन तथा स्थानीय पुर्वाधार कार्यलय गुल्मीका निमित्ति प्रमुख दधिराम मरासिनीले बताउनु भयो ।मालिका गाउँपालिका भित्र रहेका कुल लाभग्रही पहिलो किस्ता लिने ७३ जना मध्ये ६८ जनाले दोस्रो किस्ता, ५३ जनाले तेस्रो किस्ता रकम बुझेको कार्यालको कम्प्युटर अपरेटर पार्वती खत्रीले बताइन् । गाउँपालिकामा राखिएको वडा घोषणा कार्यक्रममा प्रदेश नम्बर ५ का संसद दिनेश पन्थीले बिनासकारी भुकम्पले क्षती पुराएर पुनर्निर्माणको काम जिल्लामा वडाबाट सम्पन्न हुने काम सुरु भएको बताउनु भयो ।
उहाँले अब वडाहरु हुदै स्थानीय तह र जिल्ला नै पुनर्निर्माण सम्मन गर्ने गरि काम अगाडी बढ रिहेको बताउनु भयो । कार्यक्रममा जिल्ला समन्वय समिति गुल्मीका प्रमुख लक्ष्मण पराजुली,मुसिकोट नगरपालिका नगरप्रमुख सोमनाथ सापकोटा, मालिका गाउँपालिका उपाध्यक्ष देबा अर्याल, जिल्ला समन्वय अधिकारी भक्तिराम मरासिनी लगायतले पुनर्निर्माणको काम सम्पन्न गर्ने मालिका गाउँपालिका भित्रका २ वटा वडा जिल्लामै पहिलो भएको बताउनु भयो ।पुनर्निर्माणको काम सम्पन्न गर्न सहयोग गर्ने सबैलाई धन्यवाद समेत दिनुभयो । कार्यक्रममा निजि आवासको जिल्ला भरको पुनर्निर्माको बारेमा पनि जानकारी गराइएको थियो । जिल्ला भर कुल ४ हजार १४४ लाभग्रहीहरु मध्ये दुइजार २४९ घरहरु मात्र निर्माण भएको तथ्यांकले देखाएको छ । जिल्लामा ३ हजार ९५५ जनाले पहिलो किस्ता, ३ हजार ११८ जनाले दोस्रो किस्ता र २ हजार २८७ जना लाभग्रहीले तेस्रो किस्ता बापतको रकम लिएको जिल्ला आयोजना कार्यन्वयन इकाई अनुदान ब्यवस्थापन तथा स्थानीय पुर्वाधार कार्यलय गुल्मीले जनाएको छ ।
कुल लाभग्रहीमध्ये १८९ जना सुचिमा रहेता पनि उनीहरुले सम्झौता गरेका छैनन् । पुनर्निर्माण प्राधिकरणले तोकेको मापदण्ड अनुसार निजि आवास पुनर्निर्माण गर्न माघ मसान्त सम्म दोस्रो किस्ता र तेस्रो किस्ता रकम भुक्तानीको लागि आगामी असारसम्मको लागि समयअबधी तोकेको छ ।