काठमाडौ /असोज १ – आज आश्विन सङ्क्रान्ति , विश्वकर्मा पर्व मनाइँदै छ ।
आजको दिन विश्वकर्माको पूजाआजा गरेर विश्वकर्मा पर्व मनाउने प्रचलन रहेको छ । आजका दिन आफनो फलामे औजारको पूजा गर्नाले लामो समय सम्म टिक्ने जनबिश्वास छ ।द्वापर युगमा भगवान् कृष्णलाई राक्षसले दुःख दिएपछि विश्वकर्माले समुद्रका बीचमा ‘भेद द्वारका’ बनाइ लुकाएको धार्मिक विश्वास रहेको छ । एकै रातमा समुद्रका बीचमा ‘भेद द्वारका’ को निर्माण गरेकाले विश्वकर्मालाई सफल वास्तुविद्का रुपमा मानी पूजाआजा रहेको छ । विश्वकर्मा पुजाको अवसरमा बर्ष भरी कुनै अप्रिय घटना नहोस् भनी मेसिन तथा औजारहरुको पूजा गर्ने चलन रहेको छ । आज देशभरका फलामे औजारहरुको पुजा गर्ने ,विश्वकर्माको मुर्ति वा तस्विरमा पूजा गर्ने गरिन्छ । आजको दिनलाई वास्तु शास्त्रीले वास्तु दिवसका रुपमा समेत मनाउने गर्दछन ।
