चैत १६,गुल्मी
राधा पोख्रेल
गुल्मी, बागलुङ र प्युठान जिल्लाको सिमानामा होली खेल्न जम्मा भएका युवाबीच भएको झडपमा २ जनाको मृत्यु भएको छ ।
दर्लिङको बल्देधुरीमा दुई युवा समूहबीच झडप हुँदा बाग्लुङ निसिखोला ७ का वर्ष ३६ का प्रकाश कुँवर र ३४ वर्षका दीपक दमाइको ज्यान गएको जिल्ला प्रहरी कार्यालय बाग्लुङका प्रहरी नायब उपनिरीक्षक डिएसपि इकबाल हवारीले जानकारी दिनुभयो । उनीहरुको शव बल्देधुरी भीरबाट ५०० मिटर तल खसेको अवस्थामा भेटिएको छ ।
घटनापछि घटनास्थलमा हिजोदेखि नै प्रहरी खटिएको र अन्य बाहिर आएको हल्ला जस्तो बेपत्ता र मृत्यु हुनेको संख्या बढ्ने भन्ने नभएको डिएसपि हवारीले बताउनुभयो । यो समाचार तयार पार्दासम्म त्यहा कोहि बेपत्ता भएको खबर आफुहरुलाई नआएको उहाले बताउनुभएको छ । अहिले पनि प्रहरी घटनास्थलमा रहेको र मृतकको सबलाई पोष्टमाटमको लागि बुर्तिवाङ अस्पतालमा राखिएको पनि उहाले जानकारी दिनुभयो ।