धुर्कोट ,चैत १६ –
धुर्कोट गाउँपालिका र हेफर प्रोजेक्ट नेपालको आर्थिक सहयोग सिर्जनशिल सामुदायिक विकास केन्द्र गुल्मी द्वारा संचालित सामुदायिक विकासकालागी बाख्रा उद्यम परियोजना अन्तरगत धुर्कोट गाउँपालिका वडा नं ३ हाडहाडेमा गठित गल्दा महिला उद्यम समुह द्वारा जनज्योती आधारभुत विद्यालयमा अध्यनरत २ जना अनाथ विद्याथिलाई एक कार्यक्रमका बिच उपहार प्रदान गरेका छन्।
भोकालाई एकछाक भोजन होइन जिउने जुक्ती सिकाऔ भन्ने मुल मन्त्रलाई आत्मसाथ गर्दै उक्त समुहमा केहिदिन पहिला हेफर आधारशिला सम्पन्न भएपछी समुहका सदस्यहरूले सामुहिक प्रतिवद्धता गरेबमोजिम बास्तविक आबस्यकताको पहिचान गरि अर्घाखाँचि जिल्ला मालारानी गाउँपालिका वडा नं ६ म्यालपानि निवासी विष्णु घ म को छोराहरू कक्षा ३मा अध्यनरत सुमन घ म र कक्षा २ मा अध्यनरत शिशिर घ म जनज्योति आधारभुत विद्यालय धुर्काेट गाउँपालिका वडा नं ३ हाडहाडे गल्दा मा अध्यनरत विद्यार्थिलाई उपहार गरेका हुन। जुन विद्यार्थी का बाबा चार बर्ष देखि सम्पर्क बिहिन भएको र आमा पनि नभएको ले आफ्नि ठुलिमम्मि प्रेम कला घ मको संरक्षणमा बस्दैआएको समुहकि काषाअध्यक्ष यमकला थापाले जानकारी दिनुभयो।
उक्त उपहार प्रदान कार्यक्रममा प्रमुख अतिथि विद्यालयका प्रअ डिल बहादुर जि सीले यस परियोजना अन्तरगत दिदि बहिनिले आफ्नो खर्च कटाएर जुन उपहार प्रदान गर्ने कार्य ले समाजलाई उदाहरणिय बनाएको र जुन अनाथ बिद्यार्थिलाई पढाईमा साहास मिलोस भन्ने उदेश्यले जुन सहयोग गर्नुभयो त्यसको लागि समुहलाई धन्याबाद दिदै आगामप दिनमा पनि सहयोगको अपेक्षा राखेको र समुहलाई नमुना बनोस भन्ने शुभकामना दिनुभयो।
समुहकी अध्यक्ष मधु पुनको अध्यक्षता समुह अपाअध्यक्ष भिमा थापाको स्वागत मन्तव्य वाट सुरू भएको कार्यक्रममा जनज्योति आधारभुत विद्यालयका प्रअ डिल वहादुर जि सी को प्रमुख आतित्थता सामुदायिक विकासका लागि बाख्रा उद्यम परियोजनाका प्राविधिक संयोजक नारायण जि सी, शिक्षक महेश बस्नेत, शिक्षिका पुष्पा राउत लगाएतको आतित्थता रहेको कार्यक्रमको संचालन समुककी सहसचिव लिला थापाको संचालनमा सम्पन्न भएको थियो।