जेष्ठ ५
गुल्मीमा दोश्रो लहरमा फैलिएको कोरोना भाइरस संक्रमितको संख्या १ हजार १ सय पुगेको छ। संक्रमितमध्ये बुधबार ४५ जनाले कोरोना जितेर निको भए संगै कोरोना मुक्त हुनेको संख्या ३ सय २० रहेको छ । यस्तै पछिल्लो २४ घण्टामा जिल्लामा ६ जनाको मृत्यू भएको छ यो संगै जिल्लामा हाल सम्म ६१ जनाको मृत्यु भइसकेको स्वास्थ्य कार्यालय गुल्मीले जनाएको छ। पछिल्लो २४ घण्टामा ४० जनामा कोरोना भाइरस संक्रमण पुष्टि भएको छ । ६ जना पीसीआर पोजेटिभ र ३४ जना एन्टीजेन पोजेटिभ रहेको स्वास्थ्य कार्यालय गुल्मीका कोभिड १९ फोकल पर्सन गोपाल कार्कीले जानकारी दिनुभयो । संक्रमितमध्ये १ हजार ५० जना होम आइसोलेशनमा, ४६ जना आइसोलेशनमा र ४ जना आइसीयुमा उपचाररत रहेका छन्।
