माघ २९
रुरुक्षेत्र गाउँपालिका गुल्मीले स्थानिय किसान संग अन्तरक्रिया गरेको छ । आगामी आर्थिक बर्षको नीति तथा कार्यक्रम र योजना बनाउन स्थानिय किसान संग अन्तरक्रिया गरेको हो ।
कार्यक्रममा सहभागी किसानले उत्पादनमा आधारि अनुदानको ब्यवस्था गर्न, प्राप्त अनुदान समयमा उपलब्ध गराउनु पर्ने, स्थानिय उत्पादन बिक्री गर्न हाटबजार संचालन गर्नु पर्ने, किसानको बर्गि करण गरेर सुबिधा दिनु पर्ने, उत्पादित बस्तुको न्युनतम मूल्य निर्धारण गरिनु पर्ने, समस्याको रुपमा रहेका बाँझोपन भएका गाईको उचित ब्यवस्थापन लगायतका सुझाब र माग गरेका थिए ।
गाउँपालिका अध्यक्ष यदु ज्ञवालिले बजेट र प्रबिधिको उपल्ब्धता र प्राथमिकताको आधारमा किसानले दिएका सुझब र माग पूरा गर्ने प्रतिबद्धता ब्यक्त गर्नु भयो ।
कार्यक्रममा लुम्बिनी प्रदेशका पूर्व सांसद कमलराज श्रेष्ठले अनुदानको उपयुक्त अनुगमन र डबल नहुने गरि अनुदानको ब्यवस्था गर्न सुझाब दिनु भएको थियो ।
गाउँपालिका पूर्व अध्यक्ष निलकण्ठ गौतमले उत्पादन बढे बजारको समस्या नहुने तर्क गर्नु भएको थियो । गाउँपालिका उपाध्यक्ष मिनादेबी गौतमले पालिकाले किसानको हितको लागि सकेसम्म काम गर्ने प्रतिबद्धता ब्यक्त गर्नु भएको थियो ।
कार्यक्रममा प्रमुख प्रशासकिय अधिकृत लक्ष्मण पाण्डेयले स्वागत गर्नु भएको थियो । कार्यक्रम दामोदरज्ञवालीले संचालन गर्नु भएको थियो । कार्यक्रममा स्थानिय १९ जना किसानको सहभागिता रहेको थियो ।
रुरुक्षेत्र गाउँपालिका गुल्मीले माटो परिक्षण, सम्भाबित खेतीको सम्भाब्यता अध्यन र दुध पकेट क्षेत्र, आलु पकेट क्षेत्र लगायतका कृषक केन्द्रित बिभिन्न कार्यक्रम गर्दै आएको छ ।
