असार २६
गुल्मी
नेपाल विद्यार्थी संघ गुल्मीका कार्यबाहक सभापति रामजी पन्थीले एक क्यानसर पिडीतलाइ घरमै पुगेर ब्यक्तिगत सहयोग गरेका छन । उनले गुल्मीको रेसुङ्गा नगरपालिका वडा नम्बर ९ स्थित दजुमान घर्तीको घरमै पुगेर रु २०,००० व्यक्तिगत सहयोग गरेका हुन । आर्थिक अभावमा क्यानसरको उपचार नपाएको र खाद्यान्नको समेत अभाव भएको जानकारी पाएपछि नेता रामजी पन्थीले व्यत्तिगत सहयोग गरेका हुन । पन्थीले भने “यो मैले गरेको सहयोगले उहाको उपचार हुन्छ भन्ने हैन, म संग भएरै गरेको पनि हैन तर यस्तो दर्दनाक अवस्था पनि कसैको नजरमा परेन त्यसैले मैले सानो सहयोगको सुरुवात गरे भने अन्य महानुभावहरुले पनि वँहालाई सहयोग गर्नुहुनेछ र सवैको हातेमालो द्धारा पिडीतको उद्धार हुनेछ भन्ने आसाले सहयोग गरेको छु ।
पिडीतको घरमै पुगेर आर्थिक सहयोग गरेका रामजीले सवैको सहयोगद्धारा निजको उपचार हुने कुराको अपेक्षा गरेको बताउदै सवैलाई सहयोगका लागि अपिल समेत गरेका छन ।
केहि समय अगाडी कोरोन प्रभावितहरुलाई राहत वितरण गर्न भन्दै उनले रेसुङ्गा नगरपालिकालाई पचास हजार रुपैंया हस्तान्तरण गरेका थिए । विद्यार्थीको निम्ती खर्च गर्दै आएका रामजी पन्थीले पछिल्लो समय विद्यार्थी हरुका लागि मात्र नभएर विपन्न तथा आर्थिक अभावका कारण उपचार नपाएका नागरिकहरुलाई समेत सहयोग गर्न थालेका छन ।
आर्थिक अभावका कारण पठनपाठन बाट बन्चित भएका विद्यार्थीहरुलाई निजी खर्चमा पढाउने उद्घोष समेत गरेका पन्थीले गुल्मी जिल्लाका विभिन्न विद्यालयमा पुगेर व्यक्तिगत लगानीमै शैक्षिक सामाग्री हस्तान्तरण गरेका छन