कृष्ण अन्जान
रुरु, असार १५ -गुल्मीको रुरु प्राथमिक स्वास्थ्य केन्द्रले आफ्नो स्थापनाको अठारौँ वर्ष गाँठको अवसर पारेर्रे रक्तदान कार्यक्रमको आयोजना गर्ने तयारी थालेको छ ।
यहि असार १९ गते शनिवार रुरु प्राथमिक स्वास्थ केन्द्रमा रक्तदान कार्यक्रम को आयोजना गरिने स्वास्थ्य केन्द्रका प्रमुख समेत रहनु भएका डाक्टर विकास पन्थीले जानकारी दिनु भयो ।रुरु प्राथमिक स्वास्थ केन्द्र रिडीको आयोजनामा नेपाल स्वयँसेवि रक्तदाता समाज गुल्मी शाखा र नेपाल स्वयँसेवि रक्तदाता समाज रुपन्देहीको समेत सहभागिता हुने रक्तदान कार्यक्रममा उपस्थित भई रक्तदान गर्न डाक्टर पन्थिले सबैलाई आह्वान गर्नु भएको छ ।रक्तदान गरौँ पुण्य कमाऔँ रक्तदान जीवन दानको नारा सहित आयोजना हुने रक्तदान कार्यक्रममा उत्साहजनक उपस्थितीको आशा गरिएको आयोजकको भनाई छ ।
