फागुन ११,रामकृष्ण गुल्मी। गुल्मिदरबार गाउँपालिका अन्तरगतका स्वास्थ्य संस्थाहरुले समुदायमा प्रदान गर्ने विभिन्न स्वास्थ्य सेवाहरुको तथ्यांक संकलन तथा अभिलेखिकरणमा एकरूपता ल्याउने उद्देश्यले स्वास्थ्यकर्मिहरुलाई स्वास्थ्य व्यवस्थापन सूचना प्रणाली सम्वन्धि तिन दिने तालिम प्रदान गरिएको छ । तालिममा महिला स्वास्थ्य स्वयंसेविकाले प्रदान गरेका स्वास्थ्य सेवाहरु समेटेर तयार गर्ने मासिक प्रतिवेदन देखि स्वास्थ्य संस्थाहरुले प्रदान गर्ने विभिन्न स्वास्थ्य सेवाहरुको रेकर्डिङ तथा रिपोर्टिङ ले देशकै स्वास्थ्य स्थितिको सुचाँक प्रत्यक्ष प्रभावित हुने हुँदा स्वास्थ्य सेवाको अभिलेखिकरणमा विशेष सजजकता अपनाउनु पर्नेमा जोड दिदै एकरुपताका बारेमा जोड दिइएको थियो । गुल्मिदरबार गाउँपालिका स्वास्थ्य शाखाको आयोजनामा फागुन ९ गतेदेखि तीन दिन सम्म संचालन गरिएको तालिमको उद्घघाटन कार्यक्रममा स्वास्थ्य संयोजक नारायण प्रसाद अर्यालको सभापतित्व रहेको थियोे भने गुल्मिदरबार गाउँपालिका अध्यक्ष अशोक कुमार थापाको प्रमुख आतिथ्यता र उपाध्यक्ष मिना भण्डारीको विशेष आतिथ्यता रहेको थियो।कार्यक्रममा बोल्दै प्रमुख अतिथी थापा , विशेष अतिथि भण्डारी र स्वास्थ्य संयोजक अर्यालले ले यो तालिम अत्यन्तै संवेदनशिल र अपरिहार्य भएको र भबिस्यमा गाउँपालिका बाट स्वास्थ्यसम्बन्धी योजना बनाउनको लागि अत्यन्तै महत्त्वपूर्ण हुने भएकोले सम्पुर्ण स्वास्थ्यकर्मी हरु बाट वास्तविक तथ्यांक आउने कुरामा आफुहरु विश्वासका साथ अगि बढेको जानकारी दिँदै तालिमको सफलताको शुभकामना दिनुभएको थियो। विषयवस्तुका वारेमा स्वास्थ्य संयोजक नारायण प्रसाद अर्याल र स्वास्थ्यचौकी प्रमुख हरुले सहभागिहरुलाई सहजीकरण गराउनुभएको थियो।तालिममा गुल्मिदरबार गाउँपालिका अन्तरगतका प्रत्येक स्वास्थ्य संस्थाका प्रमुख र एकएकजना अहेव र एकएक जना अनमी गरि जम्मा १९ जना स्वास्थ्यकर्मी हरुको सहभागिता रहेको थियो । उद्घघाटन कार्यक्रमको संचालन गौडाकोट स्वास्थ्यचौकी प्रमुख बोम अर्यालले गर्नुभएको थियो।
