झेर्दी निम्न माध्यमिक बिध्यालय छत्रकोट गाउपलिका वडा नं १ हुगा गुल्मीले छत्रकोट गाउपलिका वडा नं ४ श्रृङ्गा निवासी निसान्त केशीलाई सहयोग रकम हस्तान्तरण गरेको छ ।
स्वर्णमहोत्सबको अवसरमा संकलित रकमबाट नगद रु ३० हजार रुपैया ब्रेनटिउमरको उपचार गराईरहेका केशीलाई सहयोग गरिएको हो । सहयोग रकम संकलनको लागि नेपाली काङ्ग्रेका केन्द्रिय सदस्य एवम पुर्व सभासद डा.चन्द्र भण्डारीले नेतृत्व गर्नु भएको थियो ।
रकम हस्तान्तरणमा सहभागी सिद्धार्थ बिजनेस ग्रुप का संरक्षक तथा छत्रकोट गा पा का वडा सदस्य भिमलाल न्यौपानेले ग्रुपको तर्फबाट रु १० हजार रुपैया सहयोग गर्नुभएको छ ।
निसान्त को जन्मदिनको अवसर पारी रकम हस्तान्तरण गरिएको हो । हस्तान्तरणको लागि झेर्दी नि मा बिका अध्यक्ष घन्श्याम न्यौपाने, प्रअ पदमपाणी न्यौपाने, सल्लाहकार समिति सयोजक तथा पुर्ब शिक्षक सेशकान्त भुसाल, स्वर्ण महोत्सव आर्थिक संयोजक तथा पुर्ब शिक्षक छबिलाल सुवेदी, भवन निर्माण समिति अध्यक्ष तथा वडा सदस्य भिमलाल न्यौपाने, नेपाली काङ्ग्रेस गुल्मी जिल्ला सदस्य अनन्त पौडेल, छ्त्रकोट १ नं. वडा अध्यक्ष धातानन्द भण्डारी लगायत को उपस्तिथि रहेको थियो । नेपाली काङ्ग्रेका केन्द्रिय सदस्य एवम पुर्व सभासद डा.चन्द्र भण्डारीले उपचारको क्रममा अस्पतालमै पुगी केशीलाई पाहिले पनि सहयोग गर्नु भएको थियो ।
