धादिङमा मोटरसाइकल र ट्रक एक आपसमा ठोक्किदा एक जनाको मृत्यु भएको छ । काठमाण्डौबाट पोखरातर्फ जाँदै गरेको मोटरसाइकल र हेटौडाबाट काठमाण्डौ तर्फ जाँदै गरेको ट्रक बेनीघाट रोराङ गाउँपालिका वडा नं।५ बेनीघाट गोमती पुलमा एक आपसमा ठोक्किदा एक जनाको ज्यान गएको हो ।
दुर्घटनामा पोखरा महानगरपालिका वडा नं।२३ का २० वर्षीय दिपक पुन मगर घाइते भएकोमा उपचारका लागि काठमाण्डौतर्फ लैजादै गर्दा मृत्यु भएको जिल्ला प्रहरी कार्यालयका सूचना अधिकारी प्रहरी नायव उपरीक्षक प्रकाश विष्टले जानकारी दिनुभयो ।
होली मनाउन पोखरातर्फ जाँदै गरेका उनको दुर्घटनामा ज्यान गएको हो । दुर्घटनामा पोखराकै मोटरसाइकल चालक २१ वर्षीय सुरज अधिकारीको काठमाण्डौस्थित ट्रमा सेन्टरमा उपचार भइरहेको छ ।
