नीतू कपूरले शेयर गरिन् आलिया रणवीरको तस्बिर, आलियाले स्टेजबाटै रणवीरलाई भनिन् ‘आइ लभ यु’ (पुरा पढ्नुहोस)

भर्खरै मात्र सम्पन्न फिल्मफेयर अवार्ड २०१९ मा बलिउड अभिनेता रणवीर कपूरले उत्कृष्ट अभिनेता र अभिनेत्री आलिया भट्टले उत्कृष्ट अभिनेत्रीको पुरस्कार जितेका छन् । अहिले एक अर्कालाई डेट गरिरहेका आलिया र रणवीर एकसाथ यसरी अवार्ड जित्दा निकै नै खुसी छन् ।  रणवीर र आलियाको यो खुसी उनीहरुसम्म मात्रै सीमित छैन । यि दुवैका परिवार पनि त्यतिकै खुसी भएका छन् । यस कुराको पुष्टि अभिनेता रणवीर कपूरकी आमाको इन्स्टाग्रामको पोष्टले गरेको छ । नीतु कपूर छोरा रणवीर कपूर र आफ्नी हुनेवाला बुहारी आलियाले उत्कृष्ट अभिनेता तथा अभिनेत्रीको अवार्ड जित्दा निकै खुसी छिन् ।  नीतू कपूरले फिल्मफेयर अवार्ड कार्यक्रमको स्टेजमा रणवीर र आलियाले अवार्ड लिएर एकसाथ उभिएर खिचेको तस्बिर शेयर गर्दै यि दुबैको जोडीलाई बधाई दिएकी छिन् । नीतू कपूरले क्याप्सनमा लेखेकी छिन् ‘यो पल देखेर सबै तनाव बिर्सिएकी छु । धेरै बधाई, निकै खुसी र गर्व महसुस गरिरहेकी छु ।’