अर्घाखाचिको सन्धिखर्क नगरपालिका वडा नम्बर १२ का दुई वडा सदस्य सहित स्थानीयले वडाध्यक्षको कार्य शैली प्रति असन्तुष्टी जनाएका छन । कार्यपालिका सदस्य तथा वडा सदस्य हिमकला टमाटा, वडा सदस्य नारायण बस्याल लगायतका स्थानीयले नियम बिपरित कर्मचारी नियुक्ती गरेको तथा वडा कार्यलयमा हुने कामहरूमा वडा सदस्यलाई समेत जानकारी नदिई काम गरेको भन्दै नगरप्रमुखलाई मनोमानी रोक्न माग गरेका हुन ।
उनीहरूले वडाध्यक्षका कार्यशैलीमा तत्काल रोक लगाउन माग गर्दै नगर प्रमुख कमल प्रसाद भुसाल, उपप्रमुख ठाकुर कुमार बिक किशोरलाई ध्यानाकर्षण गराएका छन । सन्धिखर्क नगरपालिका १२ नम्बर वडाको वडाध्यक्ष नारायण खड्का हुन ।
ध्यानाकर्षण पत्र बारे जानकारी दिदै वडा सदस्य नारायण बहादुर बस्यालले वडा कार्यालयले गर्ने निर्णय बारे आफुलाई कुनै जानकारी नै नहुने गरेको बताए । उनले भने ‘म पनि जनताले जिताएर पठाएको जनप्रतिनिधी हु, तर वडामा हुने कुनै पनि बैठक तथा कार्यक्रममा जानकारी नै हुँदैन ।’
ध्यानाकर्षण पत्रमा कार्यापालिका सदस्य तथा वडा सदस्य बाटुला टमाटाको सहित ७० जनाको हस्ताक्षर छ ।
बुझ्दै सन्धिखर्क नगरप्रमुख कमल प्रसाद भुसालले नियमबिपरित भएका कुनै कामलाई पक्षपात नगरिने नगरप्रमुख कमल प्रसाद भुसालले बताए । उनले समाजमा हुने विकास निर्माण तथा हरेक काममा जनताको निगरानी र चासो अपरिहार्य भएको बताए । उनले ध्यानकर्षण गराइएको बिषयमा आफ्नो ध्यान तानिएको बताए ।
उपप्रमुख ठाकुर कुमार बिकले नियम कानूनलाई कसैले उल्लङ्घन गर्न नमिल्ने बताए । उनले राज्यको नीति सबैका निम्ति भएको उल्लेख गरे ।
तर यता यस बारे सञ्चारकर्मीसँग कुरा गर्दै वडाध्यक्ष नारायण खड्को भने आफुले कानून अनुसार कार्य गर्दै आएको दाबी गरे । उनले वडाले नगर स्वास्थ्य क्लीनिक सञ्चालनका लागि केशव कुवँरको संयोजकत्वमा समिति निर्माण गरि काम गरेको दाबी गरे ।
