पछिल्लो सांगितिक बजारमा फरक फरक गितसगिंतहरु आइरहदा अर्को निकै मन छुने “अनौठो परिक्षा ” बोलको मार्मिक लोकदोहोरी गीत सार्वजनिक भएको छ ।
लामो समयसम्म मलेसियामा कार्यरत रहेका सुदुरपश्चिम बिकट बाजुराको बडीमालिका नगरपालिका सातका गायक डम्बर विश्वकर्माको निकै मन छुने शब्द, अमितबाबु रोकायको लयमा सृजना गरिएको गीतमा चर्चित गायिका पुर्णकला बि।सि र गायक धर्म सुनारको सुमधुर आवाज रहेको छ ।
सांगीतिक बजारमा लगातार एकपछी अर्को उत्कृष्ट गितहरु भित्र्याउदै आफ्नो कार्यलाइ निरन्तरता दिइरहेको भावना म्युजिक सोलुसन बाट यो गीत सार्वजनिक भएको हो ।
पछिल्लो समयकी बहुचर्चित मोडल बिमल अधिकारी र सञ्चिता शाहीको उत्कृष्ट अभिनय रहेको यस गित कपिल लामाको निर्देशनमा तयार पारिएको हो भने राजेश घिमिरेले छायांकन साथै अमर शाक्यले सम्पादन गरेका छन । गायक डम्बर विश्वकर्माको पहिलो गीत भाग्य लेख्ने भावी यो भन्दा अघि धेरै चर्चित भएको थियो ।
