पाल्पाको दमकडा बाट शुरु भएको त्रिदिवसीय रथ यात्रा दर्शन रिडि हुदै आज गुल्मिको ब्रहमाकुमारी ईश्वरीय विश्वविद्यालय शाखा सत्यवती–६ जोहाङ्गमा आईपुगेको छ । महा शिवरात्रि पर्वको अवसरमा आयोजना गरिएको रथ यात्रा कार्यक्रम आध्यात्मिक ज्ञानद्धारा तनावमुक्त मूल्यनिष्ठ एवं स्वर्णीम समाजको निर्माण गर्ने उद्देश्यले गरिएको हो ।
नेपाली काँग्रेसका केन्द्रिय सदस्य डा। चन्द्र भण्डारी को प्रमुख आथित्यता मा सन्चालित कार्यक्रममा क्षेत्रिय सचिव ब्रह्माकुमार भानुप्रकाश पौड्याल , इलाका प्रहरी कार्यालय जोहाङ्गका प्रमुख खुम बहादुर कुवँर, पत्रकार सुरेश थापा, रेडक्रस सोसाईटि जोहाङ्ग शाखाका विष्णु प्रसाद भण्डारी लगाएतको आतिथ्यता रहेको थियो
कार्यक्रम का प्रमुख अतिथि डा। भण्डारीले आफूले राम्रो बाटो रोज्न नसक्दा दुनियामा हिंसा बढेको बतोउनु भयो । हाम्रो हातमा न जन्म छ न मृत्यु छ तर आफूले अंगाल्ने बाटो हाम्रो हातमा छ भन्दै उहाँले राम्रो बाटो रोज्न सबैलाई आग्रह गर्नुभयो ।
राज योग प्रशिक्षक ब्रह्माकुमारी तारा दिदि को स्वागत मन्तव्य रहेको कार्यक्रमको संचालन ब्रह्माकुमार रविन सापकोटा ले गर्नुभएको थियो । रथ यात्रा दर्शन भोलि पाल्पाको तानसेनमा गई समापन हुनेछ ।
