राष्ट्रिय प्रजातन्त्र पार्टीले फागुन १५ गतेदेखि सुरु गरेको मेची–महाकाली राष्ट्रिय स्वाभिमान यात्रा रुपन्देही आईपुगेको छ ।
हिन्दु राष्ट्रको पुनस्र्थापना, राष्ट्रिय अखण्डताको रक्षा, भ्रष्टाचारको अन्त्य लगायत जनजागरण गर्न फागुन १५ गते ताप्लेजुगंबाट सुरु भएको पाँचथर, इलाम, झापा, मकवानपुर, चितवन, नवलपरासी हुदै रुपन्देही आईपुगेको हो । फागुन ३० गतेसम्म सञ्चालन हुने स्वाभिमान यात्रा सुदूरपश्चिमको कञ्चनपुरसम्म पुग्ने छ । स्वाभिमान यात्रा रुपन्देही आएको अवसरमा राप्रपाले भैरहवामा शक्ति प्रदर्शन गर्दै छ । राप्रपा संयुक्तबाट केही दिनअघि यहि यात्रा सुरु हुन अघि राप्रपामा प्रवेश गर्नु भएका नेता दिपक बोहोराको गृह जिल्ला रुपन्देही भएकाले बोहोरा र उहाका समर्थकहरुले आजको कार्यक्रमलाई शक्ति प्रदर्शनको रुपमा लिएका छन । ठुलो उपस्थिति देखाउन सके राप्रपामा अध्यक्ष थापा पछीको स्थामान बोहोराले पाउने आशा उनीहरुले गरेका छन । अन्य जिल्लमा अध्यक्ष कमल थापाको मात्रै तस्बीर राखेर प्रचार प्रशार गरीएकोमा रुपन्देहीमा नेता बोहोराको पनि तस्बीर राखि प्रचार गरीएको छ ।
