इथियोपियामा बोइङ्ग ७३७ विमान दुर्घटनामा परेको छ। इथियोपियाको आदिस अबाबाबाट केन्याको नाइरोबी उडेको इथियोपियन एयरलाइन्सको बोइङ्ग ७३७ विमान दुर्घटनामा परेको हो । एयरलाइन्सका अनुसार विमानमा १४९ जना यात्रु र चालक दलका आठजना सदस्य रहेको बुझिएको छ। उडेको केही समयभित्र स्थानीय समय अनुसार बिहान ८ बजेर ४४ मिनेटमा दुर्घटना भएको एकजना प्रवक्ताले बताएका छन्। एयरलाइन्सले विज्ञप्ति जारी गर्दै खोजी तथा उद्धार कार्य जारी रहेको जनाएको छ। दुर्घटनामा भएको हताहतीबारे उसले केही उल्लेख गरेको छैन।
सन् २०१० मा बेरुतबाट उडेको एयरलाइन्सको एउटा विमान भूमध्यसागरमा खसेको थियो। उक्त दुर्घटनामा ९० जनाको ज्यान गएको थियो।
