गुल्मीमा सञ्चारकर्मीहरुका लागि शुसासन र बिकास सम्बन्धी २ दिने तालिम सुरु भएको छ । राष्ट्रिय सञ्चार बिकास केन्द्र र नेपाल पत्रकार महासंघ गुल्मीको संयोजनमा ५ जिल्लाका सञ्चारकर्मीहरुको लागि गुल्मी सदरमुकाम तम्घासमा शुसासन र विकास सम्बन्धी २ दिने तालिम सुरु भएको हो ।
तालिममा गुल्मी, पाल्पा,अर्घाखाँची, कपिलवस्तु, रुपन्देही जिल्लाका बिभिन्न सञ्चार माध्यममा काम गर्ने सञ्चारकर्मीहरुको सहभागिता रहेको छ । तालिमको सोमबार रेसुङ्गा नगरपालिका गुल्मीका प्रमुख डिल्लीराज भुसालले उद्घाटन गर्नुभएको छ ।
तालिमको उद्घाटन गर्दै नगर प्रमुख भुसालले पत्रकारहरुले राजनितिक पूर्वाग्रह त्यागेर मात्र पत्रकारिता गर्नुपर्नेमा जोड दिए । उनले समाचारले धेरै प्रभाव पार्ने भएकाले सत्य तथ्य समाचारहरु उठाउन आग्रह गरे । तालिम शुसासन र विकास बारेमा केन्द्रित रहेको छ ।