नेपाली कांग्रेसका सभापति तथा पूर्व प्रधानमन्त्री शेरबहादुर देउवाले ओली सरकारबाट जनताले धेरै दुःख पाएको बताउनुभएको छ। पार्टी संगठनको सुदृढीकरणको अभियान अन्तर्गत तीन दिने साविकको धौलागिरीको जिल्ला भ्रमणमा निस्किएका सभापति देउवाले सोमबार बिहान पर्वतको जलजला गाउँपालिका ४ मोहनचोकमा निर्माण भएको को कार्यालय भवनको उद्घाटन तथा मोहनबहादुर मल्ल स्मृति भवनको शिलान्यास गर्दै यस्तो बताउनुभएको हो । सभापति देउवाले कम्युनिष्ट सरकारले सुख र समृद्धिको नारा लगाएर जनतामाथि महङ्गी, भ्रष्ट्राचार र अत्याचार थोपरेको आरोप पनि लगाउनुभयो ।
