जन्ती बोकेको बस दुर्घटना – दुई जनाको ज्यान गयो, १८ जना घाइते

मकवानपुरको गढी गाउँपालिका वडा नम्बर –२ धरमपानीमा जन्ती बोकेको बस दुर्घटना हुँदा २ जनाको ज्यान गएको छ भने १८ जना घाइते भएका छन् ।
ज्यान गुमाउनेमा काभ्रे पाँचखाल लामिडाँडा घर भएका ३५ वर्षीय नवराज परियार र नुवाकोट घर भएका २५ वर्षीय विकास धमला रहेको सशस्त्र प्रहरी गण हेटौंडाका डीएसपी अमर खत्रीले बताउनुभयो ।
घाइते सबैको अहिले हेटौँडामा उपचार भैरहेको छ । भक्तपुरबाट जन्ती बोकेर हेटौंडातर्फ हिडेको बा ४ ख २२१७ नम्बरको बस कान्ति लोक मार्ग अन्तर्गत मकवानपुरको गढी गाउँपालिका–२, धरमपानीमा दुर्घटना हुँदा २ जनाको घटनास्थलमै ज्यान गएको हो । दुर्घटनामा घाइते भएका मध्ये ५ जनाको अवस्था गम्भीर रहेको छ । बस सडकबाट २० मिटर तल खसेर रुखमा अड्किएको छ ।