तानसेन नगरपालिका पाल्पाको आयोजनामा विश्व उपभोक्ता अधिकार दिवश आज तानसेनमा मनाइएको छ । कार्यक्रममा विशिष्ट अतिथि जिल्ला समन्वय समिति पाल्पाका प्रमुख दयाराज बश्यालले अझैपनि नागरिक कस्तो खाद्यवस्तुको प्रयोग गर्नुपर्छ भन्नेबारे पूर्ण रुपमा चेतना नरहेको बताउनुभयो ।
उपभोक्ताले किनेको वस्तुको मिति हेर्ने र विल माग्ने गरेका छैनन् उहाँले भन्नुभयो , त्यसैले अझैपनि उनीहरुको चेतना नै वृद्धि गर्ने खालका कार्यक्रम संचालन गर्न आवश्यक छ ।
प्रमुख जिल्ला अधिकारी मनोहरप्रसाद खनालले दैनीक उपभोग्य वस्तुमा नपरी गर्ने व्यापारीलाई कानुन अनुसार कारवाही हुने बताउनुभयो ।
कालोवजारी गर्ने, म्याद नाघेका वस्तु विक्रि गरेको पाइएमा कानुन बमोजिम कारवाही हुन्छ उहाँले भन्नुभयो ,आफु ठगिएको महसुस भएमा न्यायका लागि निर्धक्क भएर आउनुस हामी दोषीलाई कारवाही गर्छौ। वजार अनुगमनमा जिम्मेवारी भूमिका निर्वाह गर्न स्थानीय सरकार लाई उनले आग्रह समेत गर्नुभयो ।
तानसेन नगरपालिकाका प्रमुख अशोक कुमार शाहीको सभापतित्वमा भएको कार्यक्रममा पाल्पा उद्योग वाणिज्य संघका अध्यक्ष मोहन प्रसाद श्रेष्ठ, पाल्पा व्यापार संघका अध्यक्ष चिरञ्जीवि पोख्रेल, गैरसरकारी संस्था महासंघ पाल्पाका सचिव ठाकुर लोहागुन, नेपाल पत्रकार महासंघका कोषाध्यक्ष मिलन विश्वकर्मा लगायले वजार अनुगमनलाई प्रभाकारी बनाउनुपर्नेमा जोड दिनुभएको थियो ।
तानसेन नगरपालिकाका प्रमुख प्रशासकिय अधिकृत कृतन राज पौडेलले स्वागत गरेको कार्यक्रममा वरिष्ठ अधिकृत दुर्गा थापाले खाद्य तथा उपभोक्ता अधिकारका बारेमा जानकारी गराउनुभएको थियो ।
उपप्रमुख लक्ष्मीदेवी पाठकले धन्यवाद ज्ञापन गरेको कार्यक्रमको संचालन सामाजिक अधिकृत भरत आचार्यले गर्नुभएको थियो ।
मिलन विश्वकर्मा
