जनताको सेवा गर्ने भन्दै निर्वाचित भएका गुल्मीका स्थानीय जनप्रतिनिधीहरुले दोहोरो सुविधा लिएको समाचार सार्बजनिक भए सगै चन्द्रकोट गाउँपालिका गुल्मीका जनप्रतिनिधीहरुले सुबिधा फिर्ता गरेका छन ।
जिल्लाको चन्द्रकोट गाउँपालिका वडा नं ४ का वडा अध्यक्ष भरतलाल थापा र सोही गाउँपालिकाका वडा नं ६ हरेवाका वडा अध्यक्ष गोकर्ण प्रसाद शर्माले सुबिधा फिर्ता गरका हुन । चन्द्रकोट गाउँपालिकाको, नेपाल बैक लिमिटेडको संचित कोषमा,वडा नं ४ का वडा अध्यक्ष भरतलाल थापाले २ लाख सैतिस हजार छपन्न हजार रुपैया र वडा नं ६ हरेवाका वडा अध्यक्ष गोकर्ण प्रसाद शर्माल २ लाख चार हजार चार सय सोह्र रुपैया, चैत्र १ गते फिर्ता गरेको गाउँपालिकाका सूचना अधिकारी बसन्त रावतले जानकारी दिए ।वडाध्यक्षहरुले आफूहरुलाई कानुनी ज्ञान नरहेकोले दोहोरो सुविधा लिएको स्वीकार गरेका थिए ।
यस्तै रेसुंगा नगरपालिका वडा नं ११ र १२ का वडा अध्यक्षहरु खुमबहादुर राना र कुल बहादुर टण्डन नेपाली सेनाका पेन्सनर हुन् । उनीहरु दुवैले पेन्सन र वडाध्यक्षले पाउने मासिक २५ हजार रुपैयाँ सुविधा लिँदै आएका छन् । अब केहि दिनमा सुबिधा फिर्ता गर्ने खुमबहादुर राना र कुल बहादुर टण्डन बताएका छन ।
