गुल्मी दरबार गाउँपालिका गुल्मीमा शैक्षिक गुणस्तर अभिबृद्धिमा प्रसंसनिय प्रयास बिषयक अन्तरक्रिया सम्पन्न भएको छ ।
शैक्षिक गुणस्तर बृद्धिको लागि सकारात्मक सोच र स्वभाब पहिचान र आवस्यक परिवर्तनको लागि अन्तरक्रिया गरिएको हो । कार्यक्रमका प्रमुख अतिथी नेपाल प्रसंसनिय दृष्टिकोण राष्ट्रिय संजालका अध्यक्ष राम बहादुर राउतले, कार्यक्रमको सहजिकरण गर्नु भएको थियो । कार्यक्रमका अध्यक्षता गाउँपालिका अध्यक्ष अशोक थापाले गर्नु भएको थियो । अध्यक्ष थापाले सिकाई उपलब्धि बृद्धिको लागि गाउँपालिका क्रियासिल रहेको बताउदै सरोकारवाला सबैको सक्रिय सहभागिताको आवस्या रहेको बताउनु भयो । कार्यक्रमा उपाध्यक्ष मिना भण्डारी,सरस्वती प्राथमिक बिध्यालयका प्रधानाध्यापक पार्बती पान्डेय, शिक्षा समितिका सदस्य एवं काभ्रेपोखरी माध्यमिक बिध्यालयका प्रधानाध्यापक श्रीराज खड्का, गाउँपालिकाको शिक्षा समितिका संयोजक एवं वडा नं ६का अध्यक्ष हिरा बहादुर खत्री लगायतले बर्तमान शिक्षाको बारृमा बोल्नु भएको थियो । कार्यक्रमा शिक्षा अधिकृत दिपक भण्डारीले स्वागत गर्नु भएको थियो । कार्यक्रम नरेन्द्र प्रसाद शर्माले संचालन गर्नु भएको पत्रकार तारा कडेलले बताउनु भयो ।
