माघ १९
नेकपा एमाले छत्रकोट गाउँपालिका वडा नं. २ पल्लिकोट गुल्मीको दोस्रो वडा अधिबेसन सम्पन्न भएको छ ।
आज सम्पन्न अधिबेसनले झबिन्द्र कार्की भुपालको अध्यक्षतमा २६ सदस्य नयाँ वडा कमिटी निर्वाचित गरेको हो ।
अधिबेसनको अध्यक्षता निबर्तमान अध्यक्ष दुर्गा प्रसाद सुनारले गर्नु भएको थियो । कार्यक्रमा प्रदेश कमिटि सल्लाहाकार सदस्य होमनाथ कडेल प्रमुख अतिथी हुनुहुन्थ्यो । कार्यक्रममा नेकपा एमाले छत्रकोटका अध्यक्ष पिताम्बर अर्याल,पल्लिकोट ईन्चार्ज हेमन्त सुनार लगायतका नेता तथा स्थानियको उल्यख्य सहभागिता रहेको थियो ।
कार्यक्रमका बक्ताहरुले नेकपा एमालेलाई पल्लिकोटमा जनमुखि बनाउदै आमनिर्वाचनमा पनि नेतृत्व तहमा पुर्याउने गरि अघि बढ्नु पर्ने बताएका थिए ।
नेकपा एमाले छत्रकोट गाउँपालिकाको गत असौज ५ गते सम्पन्न अधिबेसनमा आन्तरिक असन्तुष्टी चुलिएको थियो , त्यस पछि गाउँपालिकाको अन्य ५ वटा वडामा अधिबेसन सम्पन्न भए पनि वडा नं. २ पल्लिकोटको अधिबेसन हुन सकेको थिएन र केही स्थानिय नेता तथा नेतृत्व बिच चिसो बढेको थियो । यस अधिबेसनले नेकपा एमाले छत्रकोटको आन्तरिक असन्तुष्टी समाधान तर्फ उन्मुख भएको अनुमान गरिएको छ ।