त्रिभुवन अन्तर्राष्ट्रिय विमानस्थल आजबाट दैनिक १० घण्टा बन्द हुने भएको छ । २१ घण्टासम्म खोलेर सेवा दिइँदै आएको विमानस्थल अब ३ महिनासम्म १४ घण्टा मात्रै सञ्चालनमा रहनेछ । विहान ८ बजेदेखि राति १० बजेसम्म मात्रै विमानस्थल सञ्चालनमा रहने त्रिभुवन अन्तर्राष्ट्रिय विमानस्थलले जनाएको छ । विमानस्थलको धावनमार्ग स्तरोन्नतिको काम आजबाट सुरु हुने भएकाले राति १० बजेपछि विमानस्थल बन्द रहने जनाइएको छ । विमानस्थल स्तरोन्नतीको काम सुरु भएसँगै नेपाल आउने विभिन्न राष्ट्रिय तथा अन्तर्राष्ट्रिय उडान प्रभावित हुने भएका छन् ।
