ओलम्पिक छनोट अन्तरर्गत नेपाली राष्ट्रिय महिला फुटबल टिमले प्रतियोगिताको अन्तिम खेल आज इन्डोनेशियासँग खेल्दैछ । ओलम्पिक छनोटको दोस्रो चरणबाट नेपाल बाहिरिसकेको छ ।
समूह ए को अन्तिम खेल आज दिउँसो पौने तीन बजे सुरु हुनेछ । यसअघि भएका दुबै खेलमा नेपाल र इन्डोनेशियाले हार व्यहोरेका थिए ।
एक खेल अघिनै प्रतियोगिताबाट बाहिरिसकेका नेपाल र इन्डोनेशिया पहिलो जितको खोजीमा हुनेछन् ।
सन् २०२० मा टोकियोमा हुने ओेलम्पिक एसिया छनोटको पहिलो चरणको खेलमा नेपालले आयोजक म्यानमार, भारत र बंगलादेशसँग समान १–१ को बराबरी खेल्दै दोस्रो चरणमा स्थान बनाएको हो ।
