गुल्मीको मुसिकोट नगरपालिकाले ९० जना व्यक्तिलाई गाउँमै स्वरोजगार बनाएको छ ।
नगर भित्रका सडकहरुलाई बाह्रै महिना संचालन गर्ने र नागरिकहरुको जिविकोपार्जमा टेवा पुराउने उदेश्यले ९० जना लेन्थवर्कर नियुक्ती गरेको छ ।
श्रम रोजगार तथा सामाजिक सुरक्षा मन्त्री गोकर्ण बिष्टले लेन्थ वर्करहरुलाई नियुक्ती पत्र र सामग्री वितरण गरेका छन् ।
नगरपालिकाले ९० जनालाई गाउँमै रोजगारी प्रदान गरेकोमा खुसी व्यक्त गर्दै मन्त्री बिष्टले काम सानो ठुलो नहुने बताए ।
मुसिकोट नगरपालिकाले लेन्थ वर्कर व्यावस्थापन कार्यबिधी–२०७५ निर्माण गरिएको नगरपालिकाका प्रवक्ता प्रकाश काफ्लेले बताए ।
कार्यबिधीको आधारमा लेन्थ वर्कर व्यावस्थापन समितिले उनीहरुको परिचालन गर्ने काफ्लेले बताए ।
मुसिकोट नगरपालिकाका नौ वडामा १० जनाका दरले ९० जना लेन्थ वर्कर भएपनि सडकको दुरीको आधारमा खटाइने निमित्त प्रमुख प्रशासकीय अधिकृत नवराज भण्डारीले बताए ।
मुसिकोट नगरपालिकाले भर्खरै नियुक्त गरेका लेन्थ वर्कर अधिकांश दलित र जनजाति रहेका छन् । नगरले ५० प्रतिशत महिलाहरुको व्यावस्थापन गरेको छ ।
समग्रमा अधिकांश बिपन्न र दलित एवं जनजाति समुदाय रहेको लेन्थ वर्कर व्यावस्थान समितिका संयोजक खडग थापाले बताए । नगरपालिकाले लेन्थ वर्करका लागि एक महिना बिज्ञापन गरेको थियो ।
एक सय २६ जनाले आवेदन दिए । जसका एक सय १० जना अन्तरवार्तामा समावेश भए । भने छनौट समितिको मुल्याङकनको आधारमा ९० जना उर्तिण भएका छन् । १० जनालाई बैकल्पिकमा राखिएको थापाले बताए ।
मुसिकोट नगरपालिकाका मेयर सोमनाथ सापकोटाले सडक सफा गर्दा डोजरभन्दा लेन्थ वर्कर महङ्गो भए पनि स्वरोजगार सृजना भएको बताए । उनले डोजर मार्फत काम गर्दा सिमित व्यक्तिसंग काम र पैसा हुने भएकाले अहिले कम्तिमा ९० जनाको परिवार व्यावस्थापन गरिएकोमा खुसी व्यक्त गरे ।
उनले काम चोर प्रवृतिलाई भने अन्त्य गर्ने बताए । लय प्रति उत्तरदायी बनाएको बताए । यद्यपी जनप्रतिनिधीले उनीहरुको अनुगमन तथा निरिक्षण भने गर्नेछन ।
केहि दिनमै सेवा सर्त र अन्य सैद्धान्ति बिषय र प्रयोगात्मक प्रशिक्षण पछि काममा लगाइने मेयर सापकोटाको भनाई छ । ।