नेपाली कांग्रेस का महामन्त्री डा.शंशाक कोइरालाले कम्युनिष्टहरुले कांग्रेस हराउन कहिले पनि नसक्ने ठोकुवा गरेका छन् ।कांग्रेस एकढिक्का भएको दिनदेखि नेपालमा कम्युनिष्ट समाप्त हुने उनको दाबि छ ।
नेपाली कांग्रेस बुटवल उपमहानगरको सम्मेलनलाइ बुटवलमा सम्बोधन गर्दै उनले कांग्रेसले मात्रै कांग्रेस हराएको स्मरण गरे । कांग्रेस हार्नुमा हामी सबै जिम्मेबार छौं,मैलेपनि जिम्मेबारी लिन्छु,टीकट बितरण केन्द्रबाट होइन स्थानीय स्तरबाटै हुनुपर्छ ।’
उनले देशको अवस्था निकै असहज भएको भन्दै कांग्रेस एक भएर देशको समस्या समाधानमा लाग्ने बताए । कांग्रेसका भातृ संस्थाहरुको निर्बाचन,अधिबेशन समयमै गरेर अघि बढ्नुपर्ने उनको भनाइ छ ।
कांग्रेस प्रमुख सचेतक बालकृष्ण खांणले प्रधानमन्त्री र मन्त्रीहरुलाइ सम्हालिएर बोल्न आग्रह गरे । उनले सञ्चारमन्त्री गोकुल बास्कोटालाइ जवाफ दिदै भने— कांग्रेसको ‘जयनेपाल’ सहिद शुक्रराज शास्त्री र बिपी कोइरालाको जयनेपाल भएको भन्दै कांग्रेसलाइ कमजोर नठान्न चेतावनी दिए ।
केन्द्रिय सदस्य धनराज गुरुङले प्रधानमन्त्री निरंकुश बनेको आरोप लगाए । देशमा चनाचट्पटे बेचेझैं नागरिकता बेचेर समृद्धि हुन नसक्ने भन्दै उनले सरकारको कडा आलोचना गरे ।
नगर सम्मेलनलाइ सम्बोधन गर्दै राजनितिक विश्लेषक प्रकास पोख्रेल ले नेताको कार्यकर्ता नभई पार्टीको कार्यकर्ता भएर काम गर्ने अवसर दिएमा नेपालि काँग्रेस बलियो सक्तिको रूपमा सदाबहार रहिरहने बताए।
सो अबसरमा काँग्रेस केन्द्रीय सदस्य चन्द्र भण्डारी,प्रतिनिधि सभाको सार्बजनिक लेखा समितिका सभापति भरत कुमार शाह,संघीय सांसद प्रमोद यादव, प्रदेशसभा सार्बजनिक लेखा समितिका सभापति डिल्ली बहादुर चौधरी, जिल्ला सचिब रामकृष्ण खांण,क्षेत्रीय सभापति हरि लम्साल,नगरसभापति खेलराज पाण्डे लगायतका १ दर्जन नेताले आफ्नो धारणा राखेका थिए ।
नेपाली काग्रेस बुटवल नगरको सम्मेलनले नेकपा महासचिव बिष्णु पौडल बिरुद्ध खेद प्रस्ताव पारित गरेको छ ।
नगर सम्मेलनमा नगर सभापति खेलराज पाण्डेले आफनो प्रतिबेदन पेश गर्ने क्रममा नेकपा महासचिव तथा रुपन्देही क्षेत्र नम्वर २ का प्रतिनिधि सभा सदस्य बिष्णु पौडेलले बालुवाटार जग्गा आफनो छोराको नाममा गराएको सुन्दा आफुहरु आफना जनप्रतिनिधिप्रति लज्जाबोध भएकोले बिष्णु पौडेल बिरुद्ध नगर समितिका तर्फबाट खेद प्रस्ताव राख्छु तपाईहरुले अनुमोदन गरी दिनुस भनेपछी कार्यक्रममा उपस्थित काग्रेस नेता कार्यकर्ताले तालि बजाएर प्रस्ताव पारित गरीदिएका हुन
