रुरु गाउँपालिका १ रिडी गुल्मीमा एक बिध्यालय, छिमेकि बिध्यालयको भवनमा संचालन गरिएको छ ।
रुरु प्राथमिक बिध्यालयको भवन जिर्ण भएकोले, रिडी माध्यमिक विध्यालयको प्राङ्गण भित्र रिडी मा बिकै भवनमा रुरु प्राथमिक बिध्यालय संचालन गरिएको हो ।
तत्कालिन जिल्ला शिक्षा कार्यलयले रुरु प्रा बिको भवनको लागि रकम व्यवस्था गरे पनि मापदण्ड अनुसार बिध्यालयको जग्गा नभएकोले भवन बनाउन नसकिएको र पुरानो भवन अतिनै जिर्ण भई पठन पाठन गर्न समस्या भएकोले रिडी मा बिको भवनमा बिध्यालय सार्नु परेको रुरु प्रा बिका प्रअ बल बाहादुर थापाले बताउनु भयो ।
भौतिक पूर्वाधार , प्रा बि संचालन गर्न पुग्ने अवस्था रहेको र रिडी मा बिमा प्राबि कक्षा नभई ६ / १२ मात्र रहेकोले समिति र अभिभावक संग छलफल गरेर रुरु प्रा बि , रिडी मा बिमा सारिएको प्रअ रोहित भण्डारीले बताउनु भयो ।
एउटै प्राङ्गणमा स्वभाबिक प्रकृतिको अवस्था हुदा समेत बिध्यालय समायोजन नगरेर रुरु प्रा बि लाई शरणार्थी जस्तो बनाईयो, सम्बन्धित निकायले, छिट्टै प्रक्रिया पुर्याएर समायोजन गर्नु पर्ने, रिडी मा बिका अध्यक्ष चन्द्रलाल कसजुले भन्नु भयो ।
सामाजिक बिकास संयोजक शेषनारायण पौड्यालले यस शैक्षिक सत्र भित्र रिडीका ३ वटा बिध्यालय बिच वृहत छलफल गरि १ / ८, ९ / १२ मा समायोजन गर्ने योजना रहेकोले तत्काल रुरु प्रा बि ,रिडी मा बि मा समायोजन नगरिएको बताउनु भयो ।
रिडी बजार भित्र १ संस्थागत प्राबि समेत संचालनमा छ । संस्थागत समेत गरि रिडी बजार भित्र १ / ५ का २ प्राबि , ६ / १२ का २ माबि संचालनमा छन् । २ प्राबिमा ३३० र २ माबि ३९१ बिध्यार्थी रहेका छन् । ४ बिध्यालयमा जम्मा ५९ शिक्षक कर्मचारि , ७ सय ८५ बिध्यार्थी रहेका छन् ।
