गुल्मी – गुल्मी का अधिकाशं वनहरुमा पछिल्लो समयमा आगालागि भएको छ । लामो समयसम्म पानी नपरेर खडेरी परेसँगै गुल्मी जिल्लाका अधिकाशं वनमा आगालागि भएको डिभिजन वन कार्यालय गुल्मीले जनाएको छ ।
आगालागिवाट सयौ हेक्टर वनजगंल जलेर नष्ट भएको छ । वनमा लागेको आगोले जिल्लाका केही वस्तीहरु जोखिममा समेत परेका छन ।
जिल्लाको रेसुङ्गा नगरपालिका ६ को साउनेथुम सामुदायिक बनमा लागेको आगोले ७० हेक्टर क्षेत्रफल वन नष्ट गरेको वडा सदस्य हरि प्रसाद पोखरेलको भनाई छ । शनिवार साझँपख बनमा लागेको आगो वस्ती नजिकै समेत आएको उहाले बताउनुभयो ।
यस्तै जिल्लाको मुसिकोट नगरपालिका ३ वडागाउँ पेगा सामुदायिक बनमा लागेको आगालागिले करिव २ सय हेक्टर क्षेत्रफल बन नष्ट गरेको वडा अध्यक्ष कर्णध्वज जिसीले बताउनुभयो ।
वनमा लागेको आगो आईतवार दिउँसो मात्रै नियन्त्रणमा आएको हो ।
यस्तै धुर्कोट गाउँपालिका वडा नम्बर ६ किमुखर्क वनमा लागेको आगालागीले करिव १ सय हेक्टर क्षेत्रफल वन नष्ट गरेको छ । गाउँपालिका उपप्रमुख शिव बहादुर खत्रीले दिएको जानकारी अनुसार शनिवार दिउँसोदेखि उक्त क्षेत्रमा आगालागि भएको थियो । आगालागिले त्यस क्षेत्रमा रहेका २ दर्जन घरहरु जोखिममा परेका भएपनि स्थानीय, प्रहरी र गाउँपालिकाको सहयोगले बस्तीहरु जोगाउन सफल भएको उपाध्यक्ष खत्रीले बताउनुभयो ।
गुल्मी को मदाने, इस्मा, चन्द्रकोट, कालीगण्डकी, मालिका, गुल्मी दरवार, छत्रकोट, रुरु गाउँपालिकालगायत रेसुङ्गा नगरपालिका, मुसिकोट नगरपालिकाको विभिन्न वनहरुमा आगालागि भएको छ । आगो नियन्त्रणका लागि स्थानीय सरकारसँगै स्थानीयवासीहरु, प्रहरी नेपाली सेना, शसस्त्र प्रहरी जुटिका थिए ।
डिभिजन वन कार्यालय गुल्मीका अनुसार जिल्लामा अहिलेसम्म करिव १ हजार हेक्टर क्षेत्रफल वनजगंल आगोले नष्ट पारिसकेको छ । हजारौँ बोट विरुवासँगै पशुपक्षीहरुको बासस्थान समेत आगोले सखाप पारेको डिभिजन वन कार्यालयका सुब्वा नविन पन्थीले जानकारी दिनुभएको छ ।
संसदमा वनसम्बन्धी कानुनलाई संशोधन र एकीकरण गर्न बनेको विधेयक दर्ता भएको छ ।
विधेयकमा राष्ट्रिय वनमा आगो लगाउने वा आगोलागी हुन जाने काम गरेमा कसुर गर्नेलाई क्षति भएको विगो असुल गरी तीन वर्षसम्म कैद वा साठी हजार रुपैयाँसम्म जरिबाना वा दुबै सजायको व्यवस्था गरिएको छ ।
