नेपाली काँग्रेसका पुर्व केन्द्रीय सदस्य तथा पुर्व मन्त्री दिपकुमार उपाध्यायले ओलि सरकारले जनताको हितमा काम नगरेको आरोप लगाउनुभएको छ ।
नेपाली काँग्रेस अर्घाखाँचीले सञ्चालन गरेको जागरण अभियानको शितगंगा नगरपालिका २ सितापुरमा भएको सम्बोधन गर्दै नेता उपाध्यायले नयाँ पुस्तालाई राजनितिमा सक्रिय बनाउँनमा जागरण अभियानले महत्त्वपूर्ण भुमिका खेल्ने बताएका छन् ।
पुर्व मन्त्री समेत रहेका उपाध्यायले ओलि सरकार काण्डै काण्डमा मुछिएको तर ओलिले नै सबै काण्ड लुकाएको आरोप लगाए ।
अर्घाखाँची जिल्लामा प्रतिनिधि भएर गाउँ गाउँमा पुगेका नेता उपाध्यायले जागरण अभियानले दुईतिहाई बहुमतको सरकार भएपनि बेथिति बढेको बताए ।
पुर्वमन्त्री रेवतिप्रसाद भुसालले प्रधानमन्त्री केपि ओलिले गैर संसदीय शव्द बोलेको आरोप लगाए । उनले शुसासनको नारा दिएको सरकारले कुशासनको बाटोमा लागेको बताउँदै सरकार अधिनायको बाटोमा ओलि सरकार लागेको भुसालले बताए ।
काँग्रेस जिल्ला सभापति विष्णु मुस्कानले सरकारले गरेका गलत कामको भण्डाखोर गर्न काँग्रेस गाउँगाउँमा हिडेको बताए । उनले काँग्रेस जिल्लाका ६१ वटै वडामा पुगि प्रशिक्षण दिदै प्रतिपक्षको भुमिका खेल्नका लागि सिकाउँने बताए ।
कार्यक्रममा पुर्व सभापति कमल भुसाल, जिल्ला उपसभापति शान्ता भण्डारी, जिल्ला सचिव छविलाल पौडेल, क्षेत्रिय सभापति अच्युत गौतम, महासमिति सदस्य सुर्य अधिकारी, महाधिवेशन प्रतिनिधि लेखनाथ पोख्रेल लगाएतले पशिक्षण दिएका थिए ।
कार्यक्रम सभापति कृष्ण शर्माको अध्यक्षता, उपसभापति यदुप्रसाद काश्यपको स्वागत र क्षेत्रिय प्रतिनिधि केशव बेल्बासेको सञ्चालनमा सम्पन्न भएको प्रेस युनियनका केन्द्रीय प्रतिनिधि घनश्याम पौडेलले जानकारी दिनुभयो ।
