थम्मन थापा गलकोट जेठ १
गण्डकी प्रदेशका मुख्य मन्त्री पृथ्वी सुब्बा गुरुङले संघीयता जनताको सबैभन्दा सस्तो प्रणाली भएको बताउनुभयो । घुम्टे सांस्कृतिक तथा प्राकृतिक संरक्षण मञ्च गलकोट नगरपालिका १० पाण्डवखानीले आयोजना गरेको ३३ औं वार्षिकोत्सव, २५६३ औं बुद्ध जयन्ती तथा वैशाखे पूर्णिमाको उद्घाटन गर्दै गरुङले सदर मुकाम र केन्द्र सम्म धाउनुपर्ने जनताको बाध्यता हटेको उहाँको भनाई रहेको छ ।
पाण्डवखानी कला र संस्कृति संगै प्राकृतिक रुपमा स्रोत र साधनले धनी रहेको र अव गण्डकी प्रदेशले यस क्षेत्रको विकास र सम्ृद्धिको निमित्त निति तथा कार्यक्रम अगाडी बढाएको बताउनुभयो । उहाँले स्रोत, साधन र संस्कृतिले भरिएको देशले विदेशको भर पर्नु अवस्था गंभिर भएको भन्दै यसलाई आर्थिक रुपान्तरणमा प्रयोग गर्नु पर्ने बताउनुभयो ।
गुरुङले गरिबि नियन्त्रणका लागि शिक्षा हासिल गरेको प्रमाण पत्र हैन सीप हासिल प्रमाण पत्र भएको हुनु पर्ने बताउदै गरिवि नियन्त्रणका लागि शिक्षालाई प्राविधि शिक्षामा रुपान्तरण गर्नुपर्ने धारणा व्यक्त गर्नुभयो ।
मुख्यमन्त्री गुरुङे भारत र चिन संग जोडिएको गण्डकीलाई कालिगण्डकी करिडोर र मध्यपहाडीले आर्थिक विकासमा ठूलो टेवा पु¥याउने बताउनुभयो । गुरुङले गण्डकी प्रदेश सरकारले ३०० घरबास सञ्चालन गर्ने लक्ष्य रहेको जानकारी दिनुभयो । पूर्णिमा मेलाको अवसरमा यही विभिन्न सांस्कृतिक कार्यक्रम, महिला तथा पुरुष भलिवल प्रतियोगिता, पाण्डवखानीमा प्रचलित सती घाटु, सांस्कृतिक झाँकी, सोरठी र पाण्डवखानीमा प्रचलित जडीबुडि प्रदर्शनी लगायतको कार्यक्रम रहेको मञ्चका सह– सचिव सुरेश छन्त्यालले जानकारी दिनुभयो ।
पूर्णिमा मेला, वार्षिकोत्सव तथा बुद्ध जयन्ति यही जेठ ४ गते सम्म चल्नेछ ।
कार्यक्रममा प्रतिनिधि सभाका सदस्य देवेन्द्र पौडेल, डा। सुर्य पाडक, संविधान सभा सदस्य निरज पुन, प्रदेश सांसद चन्द्र बुढा सागर, लगायतले शुभकामना मन्तव्य राख्नु भएको थियो ।
कार्यक्रममा स्थानीय समाजसेवी, खेलाडी तथा सहयोगीहरुलाई सम्मान गरिएको थियो । कार्यक्रम मञ्चका अध्यक्ष टेक बहादुर पुन प्रकाशको अध्यक्षता, वडा अध्यक्ष तिलक घर्तीको स्वागत तथा विष्णु काउचा र नविन भावुकको सञ्चालनमा सम्पन्न भएको थियो ।
पूर्णिमा मेला, वार्षिकोत्सव तथा बुद्ध जयन्ति यही जेठ ४ गते सम्म चल्नेछ ।
