काठमाडौं
सँगै बस्न नमानेपछि श्रीमतीलाई एसिड प्रहार गरेको विष्णु भुजेलले स्वीकार गरेका छन्।
उनले श्रीमती जेनी खड्कामाथि बुधबार साँझ ८ बजेतिर काठमाडौंको कालोपुल नजिक एसिड प्रहार गरेका थिए। श्रीमतीलाई एसिड प्रहार गरेर भक्तपुरतिर भागेका विष्णुलाई प्रहरीले काँडाघारीबाट पक्राउ गरेको थियो। एसिड प्रहार गरेर भाग्दै गरेका उनलाई पक्राउ गरेर महानगरीय प्रहरी परिसरमा राखिएको छ।
प्रारम्भिक बयानमा पारिवारिक झगडामा एसिड प्रहार गरेको विष्णुले स्वीकार गरेका छन्। काभ्रे धुलेखेलका विष्णुले, पटक पटक घर आउनु भन्दा नमानेपछि रिसको झोकमा कालोपुल आएर कोठा बाहिर बोलाइ एसिड प्रहार गरेको स्वीकार गरेका छन्। जेनीको उमेर १४ / १५ वर्ष हुँदा भगाएर विवाह गरेको विष्णुले प्रहरीलाई बताएका छन्।
६ वर्षअघि विवाह भएको उनीहरूका एक छोरा पनि छन्। घरमा श्रीमती भएको र आफू दोस्री श्रीमती भएको थाहा पाएपछि जेनी अलग्गै बस्दै आएको पनि विष्णुले प्रहरीलाई बताएका छन्। उनले छोरालाई आफूसँगै हुर्काउँदै आएकी थिइन्। बहुविवाह गरेको थाहा पाएपछि उनले विष्णुलाई छोडेकाे र कालोपुल माइतिको डेरामा आएर बस्दै आएकी। जेनीको शरीरको २० प्रतिशत भाग जलेको छ। उनको कीर्तिपुर अस्पतालमा उपचार भइरहेको छ। जेनीको अनुहार, छाती र दुवै हातमा एसिडले पोलेको छ। विष्णुको प्रारम्भिक बयान मात्रै लिइएको छ। एक मोटरसाइकल ग्यारेजमा काम गर्नेविष्णुले कहाँबाट एसिड खरिद गरेका थिए भन्ने पनि अनुसन्धान भइरहेको प्रहरीले जनाएको छ ।
