२०७६ जेठ ८ बुधबार बुटवल ।
हत्या अरोपमा पक्राउ परेका ४ जना र नावालीकालाई बेश्याबृत्तिमा लगाउने बुटवलको एक होटलका २ जना सञ्चालकलाई इलाका प्रहरी कार्यालय बुटवलले पक्राउ गरी सार्बजनिक गरेको छ ।
इलाका प्रहरी कार्यालयमा पत्रकार सम्मेलन गरी प्रहरीले रुपन्देहीको सैनामैना नगरपालिका वडा नम्वर १० सालझण्डीमा कपिलवस्तुको बाणगंगाका २७ बर्षिय चिरञ्जिबी आचार्यको हत्यामा संलग्न ४ जनालाई सार्बजनिक गरेको हो ।
कपिलवस्तु बाणगंगा ६ का ३३ वर्षिय रमेश बिक, २८ बर्षिय गोपाल खनाल, २४ बर्षिय बसन्त खत्री र २० वर्षिय राजु गुरुगंले गत आइतवार राति स्थानीय रेष्टुरेण्टमा मदिरा सेवन गरे पश्चात मोवाइल हराएको बिषयमा बिवाद भएपछी आचार्यकै मोटरसाइकलमा जंगलमा लगि हत्या गरी भागेको अनुसन्धानबाट खुलेको प्रहरीले जनाएको छ । हत्यामा सम्लग्न ४ जनालाई नै प्रहरीले पक्राउ गरेको छ ।
यस्तै बुटवल ११ कालिकानगरमा राप्ती मेनुका होटल सञ्चालक टेक बहादुर कुवर र उनकी श्रीमती मिना कुमारी बस्नेतलाई एक १५ बर्षिय नावालिकालाई होटमा झाडु पोछा लगाउन राखि बेश्याबृत्तिमा लगाएको आरोपमा पक्राउ गरी आजै सार्बजनिक गरेको छ ।
