अनिल खत्री
९ जेठ, गुल्मी – गुल्मीको कालिगण्डकी खोला किनारमा बेवारिसे सव फेला परेको छ । जिल्लाको कालिगण्डकी गाउँपालिका वडा नम्बर २ कालिगण्डकी खोला किनारमा एक जना महिलाको बेवारिसे सव फेला परेको जिल्ला प्रहरी कार्यालय गुल्मीका प्रहरी निरिक्षक रबिन्द्र खड्काले बताए ।
बेवारिसे अबस्थामा फेला परेको अन्दाजी ३० वर्ष भन्दा माथी उमेरकी महिलाको रहेको प्रहरीले जनाएको छ । सडेको अबस्थामा रहेको सवको टाउकाको आधारमा प्रहरीले महिला भनेर मात्रै चिनेको प्रहरी निरिक्षक खड्काले बताए ।
सवलाई पोष्टमार्टको लागि गुल्मी अस्पताल ल्याइदै रहेको प्रहरीले जनाएको छ । सव पहिचाहनको लागि छिमेकी जिल्लाहरुमा पनि समन्वय भइरहेको प्रहरीले जनाएको छ । गुल्मीसँगै सिमानामा पर्वत र स्याङजा जिल्ला पर्दछन् ।
